Amami Ōshima
Amami Ōshima | |
---|---|
Bertako izena | 奄美大島 |
Geografia | |
Kokapena | Japoniako itsasoa |
Azalera | 712.39 km² |
Punturik garaiena | 694 m |
Politika | |
Herrialdea | ![]() |
Eskualdea | Kyushu |
Prefetura | Kagoshima |
Gizartea | |
Biztanleria | 73.000 bizt. |
Talde etnikoak | Japoniarrak |
Amami Ōshima (japonieraz: 奄美大島, okinaweraz: Uushima (ウーシマ)?, amamieraz: Ushima (ウシマ)) Japoniako itsasoan dagoen uhartea da, Satsunan uhartediaren hegoaldean dagoena. Amami uharteetako uharte handiena da eta Japoniako zazpigarrena.
Geografia
712'35 km²-ko azalera dauka eta 73.000 biztanle ditu. Amami Guntō Parke Kuasi-Nazionalaren barnean dago. Uhartearen kostaldea arrezifeak inguratzen du.
Amami hiria, Tatsugō eta Setouchi herriak eta Uken eta Yamato herrixkak daude bertan. Kai garrantzitsuena Naze kaia da.
Historia
Jatorri bolkanikoa duen uhartean da.
Aintzinatik populatua izan da, indusketek erakutsi dutenez paleolito garaiko tresnak aurkitu dira. 657 urteko Nihon Shoki liburuan aipatzen da lehen aldiz.
VIII mendean, Nara Aroan, Txinako Tang dinastiako gortera zihoazen enbaxadoreek bertan egiten zuten geldialdia. Nakar merkataritza garrantzitsua izan zen uhartean.
1609an samuraiek inbaditu zuten eta 1624 artean Ryukyu erresumaren parte izan zen bazen ere urte horretan Tokugawa shogunerriak bereganatu zuen. Biztanleak azukre kainabera landatzera behartu zituzten.
Meiji berrezarkuntzaren ondoren Ōsumi probintziaren barnean sartu zuten baina ondoren Kagoshima prefeturaren parte bihurtu zen. Bigarren Mundu Gerraren ondoren estatubatuarrek okupatu zuten 1953an alde egin zuten arte.
1974an Amami Guntō Parke Kuasi-Nazionala eratu zen.
Fauna
Hainbat espezie endemiko baditu, amami untxia eta Lidth belea. Habu (Protobothrops flavoviridis) suge pozointsua ere badago. Mangostak sartu zituzten sugeak akatzeko baina orain mangostak berak bihurtu dira arazo, amami untxia kaltetu baitute.
Xibarta baleak bertatik igaritzen dira eta baleak ikustea atrakzio turistiko bihurtu da. Itsas behiaren (Dugong dugon) banaketaren iparraldeko muga ere bada.
Laut dortokak Japonian egindako habi bakarra ere Amamin aurkitu zen.
Iruditegia
- Amami hiria.
- Setouchi herria.
- Uhartearen ekialdea.
-
- Kasari hondartza (Amami).
-
-
Kanpo estekak
- (Ingelesez) Visitors Guide webgunea
Datuak: Q697278
Multimedia: Amami Oshima / Q697278