Antony Matheus dos Santos
Antony Matheus dos Santos | |||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() (2022) ![]() | |||||||||||||||||||||||||||||||||||||||
Bizitza | |||||||||||||||||||||||||||||||||||||||
Jaiotzako izen-deiturak | Antony Matheus dos Santos | ||||||||||||||||||||||||||||||||||||||
Jaiotza | Osasco, 2000ko otsailaren 24a (24 urte) | ||||||||||||||||||||||||||||||||||||||
Herrialdea | ![]() | ||||||||||||||||||||||||||||||||||||||
Lehen hizkuntza | brasildar portugesa | ||||||||||||||||||||||||||||||||||||||
Hezkuntza | |||||||||||||||||||||||||||||||||||||||
Hizkuntzak | brasildar portugesa | ||||||||||||||||||||||||||||||||||||||
Jarduerak | |||||||||||||||||||||||||||||||||||||||
Jarduerak | futbolaria | ||||||||||||||||||||||||||||||||||||||
| |||||||||||||||||||||||||||||||||||||||
Parte-hartzailea | |||||||||||||||||||||||||||||||||||||||
Posizio edo espezialitatea | hegalekoa | ||||||||||||||||||||||||||||||||||||||
Altuera | 1,74 metro | ||||||||||||||||||||||||||||||||||||||
![]() ![]() ![]() |
Antony Matheus dos Santos,[1] (Ocasco, Brasil, 2000ko otsailaren 24a), Antony izenez ezagunagoa, futbol jokalari brasildarra da. Eskuin hegaleko postuan jokatzen du, eta bere gaur egungo taldea Herbehereetako Amsterdamgo Ajax taldea da, Eredivisie-n jokatzen duena.[2] Gainera, Brasilgo selekzio nazionalean ere jokatzen du.
Transfermarkt, futboleko merkatuaren azterketa oinarri duen web orrialdearen arabera, gaur egun bere balioa 35 milioi eurokoa da.
Ibilbidea
Ocascon jaioa, bere hiriko taldean, Grêmio Esportivo Osascoko harrobian jokatu zuen 2013 arte. Orduan, São Pauloko harrobira heldu zen.
São Paulo
2018ko irailaren 26an ofizialki lehen taldera igo ondoren, 2023. urterarteko kontratua sinatu zuen. Azaroaren 15ean, debuta egin zuen Grêmioren aurka. Bertan eman zuen urte eta erdian 37 partidu jokatu zituen.
Amsterdamgo Ajax
2020ko otsailaren 22an, Antonyk aurrekontratu bat sinatu zuen Amsterdamgo Ajax-ekin eta 5 urterako sinatu zuen. Herbehereetako taldeak 15,75 milioi euro ordaindu zituen brasildarra fitxatzeko, baita beste 5 ere hainbat helbururen baldintzarekin.
2020-2021
2020ko udan, Ajaxera iritsi zen, eta 2020ko irailaren 13an egin zuen debuta Sparta Rotterdam-en aurkako partiduan, non garaipenerako gola sartu zuen (0-1). Urriaren 27an, aldiz, UEFA Txapeldunen Ligan egin zuen debuta, 2-2 bukatu zen partidua. Denboraldi osoan 46 partidu jokatu zituen, 10 gol eta beste horrenbeste asistentziarekin lagunduz taldeari.
2021-2022
Bere bigarren denboraldian beste urrats bat eman zuen bere ibilbidean, eta taldean pisu handiagoa hartu zuen. Batez ere denboraldi hasieran Txapeldunen Ligan egin zituen partiduek, bere merkatuko balioa igotzea eta Europako talde nagusien interesa piztea ekarri zuen. Denboraldi erdian izan zuen lesio batek, ordea, etengabeko progresio hori eten zuen, eta denboraldi amaieran maila apalagoa izan zuen.
Halere, orokorrean zifra txukunak egin zituen, jokatu zituen 33 partiduetan 12 gol sartuz eta 10 asistentzia banatuz.
Estatistikak
Taldea | Herrialdea | Urteak | Partidua(k) | Gola(k) | Asistentzia(k) |
---|---|---|---|---|---|
São Paulo | ![]() | 2019-2020 | 37 | 4 | 6 |
Ajax | ![]() | 2020- | 79 | 22 | 20 |
Selekzio nazionala
23 urtez azpiko selekzioan ibili eta gero, 2021eko urriaren 8an egin zuen debuta selekzio absolutuarekin. Ordutik 3 partidu jokatu ditu, eta gol bat sartu du.
2020ko Udako Olinpiar Jokoetan, Tokio 2020an (Tokio), esku hartu, eta urrezko domina eskuratu zuen futbolean Brasil ordezkatuz; Espainiako taldearen (zilarrezko domina) eta Mexikoko taldearen (brontzezko domina) aurretik sailkatu zen Brasilgo taldea.
Tokion, honako hauek osatzen zuten Brasilgo taldea: Santos, Gabriel Menino, Diego Carlos, Ricardo Graça, Douglas Luiz, Guilherme Arana, Paulinho, Bruno Guimarães, Matheus Cunha, Richarlison, Antony, Brenno, Dani Alves, Bruno Fuchs Nino, Abner, Malcom, Matheus Henrique, Reinier, Claudinho,Gabriel Martinelli eta Lucão-k.
Nazioarteko emaitzak
Udako Olinpiar Jokoak | |||
---|---|---|---|
Urtea | Lekua | Domina | Proba |
2020 | Tokio ![]() | 01 !![]() | Futbola, gizonezkoa. |
Erreferentziak
Kanpo estekak
Datuak: Q59205608
Multimedia: Antony Matheus dos Santos / Q59205608