Berga

Berga
Kataluniako udalerria
Irudi gehiago
Administrazioa
Estatu burujabe	Espainia
Autonomia	Katalunia
Eremu funtzionala	Catalunya Central
Eskualdea	Berguedà
Alkatea	Ivan Sànchez i Rodríguez
Izen ofiziala	Berga
Posta kodea	08600
INEk ezarritako kodea	08022
Herriburua	Berga
Geografia
Koordenatuak	42°06′00″N 1°50′44″E / 42.1°N 1.8455555555556°E / 42.1; 1.8455555555556
Azalera	22.6 km²
Altuera	704 m
Mugakideak	Cercs, Olvan, Avià, Capolat eta Castellar del Riu
Demografia
Biztanleria	16.959 (2023) 197 (2022)
8.328 (%49,1)   (%48,2) 8.166
Dentsitatea	750,4 bizt/km²
Etxebizitzak	187
Informazio gehigarria
Ordu eremua	UTC+01:00
Hiri senidetuak	Högsby udalerria
Matrikula	B
Hizkuntza ofiziala	katalan
ajberga.cat

Berga Kataluniako iparraldean dagoen udalerria da, Berguedà eskualdeko hiriburua dena eta Bartzelonako probintzian ere kokatuta dagoena.

2007an 16.596 biztanle zituen. 22,56 km²-ko azalera du.

Geografia

Udalerri mugakideak

Iparraldean eta ipar-ekialdean Cercs, hego-ekialdean Olvan, hegoaldean Avià, hego-mendebaldean Capolat eta ipar-mendebaldean Castellar del Riu udalerriak ditu mugakide.

Natura-ingurunea

Aurre Pirinioan kokatuta, Pedraforca mendia udalerritik ez dago urruti kokatuta. Queralteko mendilerroa ondoan dauka, bertan santutegia dagoelarik.

Bestela, Llobregat ibaia gertutik igarotzen da, iparraldetik etorrita.

Historia

Hiriaren jatorria "Vergneum" da, 'bargusii' iberiar herriaren hiriburua zena, geroago 'Castrum Bergium' izango zena Erromatarren okupazio garaian.

X. mendean, Cerdanyako kondeek Bergako konderri izenekoa sortu zuten, euren menpe zegoena. 1393an bestela Aragoiko eta Armagnac-eko Juanak bereganatu zuen, eta 1468an Ferran printzeak hartu zuen.

Segadors-en Gerran, armada frantziarrak hiria 1655ean okupatu zuen, geroago monarkia espainiarrak berreskuratu zuen. Hamarkada batzuk geroago, Espainiako Ondorengotza Gerran beste hiri batzuekin batera (Fraga eta Cervera kasu) borboien alde egin zuen.

Napoleonen aurkako gerran, Kataluniako Goiko Batzarraren egoitza izan zen 1811an, eta 1837an gobernu karlistarena, Katalunia osokoa. Hiru karlistaldiek hiria jo zuten hori dela eta. 1877an hiri izendatu zuten hain zuzen ere, eta XIV. mendeko harresia botatzeari ekin zioten XIX. mende horretan.

XX. mendeko hasieran industriaren garapenak (ehungintzarena besteak beste) immigrazio mugimenduak ekarri zituen, modu nabarmenean populazioa igoaraziz.

Herri eta auzoak

• Berga (Herriburua)
• La Colònia Cal Rosal (ehungintzarekin lotutako kolonia zaharra).
• Sant Bartomeu de la Valldan

Kultura

La Patum

'La Patum' izeneko festa ospatzen dute urtero hirian Corpus Christi dela-eta, maiatz-ekainean. 1983an Generalitatek izendatu zuen festa tradizional eta nazioko interesduntzat, eta 2005ean bestela UNESCOk "Ahozko eta materiarik gabeko gizateriaren ondare"-tzat.

XV. mendekoak dira idatzitako aipamen zaharrenak.

Arkitektura-ondarea

• Sant Quirze de Pedret. IX. mendeko eliza aurre erromanikoa, berriztatua. Hormako margoak ditu. Cercs udalerrian egon arren, Berga hiriari eman zioten.
• Mare de Déu de Queralt-eko santutegia. XVIII. mendekoa, Andra Mariren irudia XIV. mendekoa delarik.
• Sant Pere enparantza. Erdi Aroko jatorrikoa, bertan zegoen izen bereko eliza erromanikoa, XVIII. mendean botatakoa. Hemen ospatzen dute 'La Patum' festa ezaguna.
• Sant Ferran gaztelua.

Herri senidetuak

• Högsby, Suedia.
• Tarascon-sur-Ariège, Frantzia.
• Gernika, Euskal Herria.

Ikus, gainera

• Bartzelonako udalerrien zerrenda

Kanpo estekak

• (Katalanez)(Gaztelaniaz)(Ingelesez) Bergako udalaren webgunea.

• Datuak: Q15487
• Multimedia: Berga / Q15487