Betelu
Betelu | |||||||||||
---|---|---|---|---|---|---|---|---|---|---|---|
![]() | |||||||||||
Beteluko Apeztegizarra dorretxea | |||||||||||
| |||||||||||
![]() | |||||||||||
Kokapena | |||||||||||
Herrialdea | ![]() | ||||||||||
Lurraldea | ![]() | ||||||||||
Merindadea | ![]() | ||||||||||
Eskualdea | Leitzaldea | ||||||||||
Administrazioa | |||||||||||
Estatua | ![]() | ||||||||||
Erkidegoa | ![]() | ||||||||||
Izen ofiziala | ![]() | ||||||||||
Alkatea | Miguel Javier Rekalde Goldaratz (Arribe Taldea) | ||||||||||
Posta kodea | 31890 | ||||||||||
INE kodea | 31055 | ||||||||||
Herritarra | beteluar | ||||||||||
Geografia | |||||||||||
Koordenatuak | 43°01′33″N 1°58′46″W / 43.0257°N 1.9795°W / 43.0257; -1.9795 | ||||||||||
Azalera | 6,9 km² | ||||||||||
Garaiera | 239 metro | ||||||||||
Distantzia | 44 km (Iruñetik) | ||||||||||
Demografia | |||||||||||
Biztanleria | 373 (2023: ![]() | ||||||||||
| |||||||||||
Dentsitatea | 5,41 bizt/km² | ||||||||||
Zahartzea[1] | % 12,7 | ||||||||||
Ugalkortasuna[1] | ‰ 30,3 | ||||||||||
Ekonomia | |||||||||||
Jarduera[1] | % 81,4 (2011) | ||||||||||
Desberdintasuna[1] | % 0 (2011) | ||||||||||
Langabezia[1] | % 5,96 (2013) | ||||||||||
Euskara | |||||||||||
Euskaldunak[2][3] | % 81,10 (2018: ![]() |
Betelu[4] ([betelu]) Nafarroako ipar-mendebaldean dagoen udalerria da, Leitzaldean eta alde euskaldunean kokatua. Iruñeko merindadeko herri honek 332 biztanle zituen 2014. urteko erroldaren arabera.
Tolosatik 20 bat kilometrora eta Nafarroako hiriburutik 44 kilometrora dago, N-130 errepidearen parean.
1694an, gaur egun Araitz udalerria osatzen duten herrietatik banandu zen.
Geografia
Inguru naturala eta kokapena
Hegoaldean Aralarko mendilerroa udalerriaren mugakide naturala dugu, Aralarko Mallo ikusgarriak bertatik bertara daudela: Ttutturre (1282 m), Hirumugarrieta (1431 m), Aldaon (1411 m), Uakorri (1306 m) eta Balerdi (1197 m).
Ekialdean, berriz, Elosta (937 m), Santa Barbara (853 m) eta Urkieta (854 m) mendiak daude.
Araxes ibaiak udalerria zeharkatzen du hego-ekialdetik ipar-mendebaldera, eta, Gipuzkoa aldean, Oria ibaira isurtzen du ura, Aralar eta inguruko mendietako urak jaso ondoren.
![](http://upload.wikimedia.org/wikipedia/commons/thumb/8/87/Malloetako_tontorrak.jpg/500px-Malloetako_tontorrak.jpg)
Klima
Betelun, itsasoaren mailatik 240 metro gorago, Nafarroako gobernuak 1977an jarritako estazio meteorologikoa dago.[5]
Betelu (2015)[6] | ||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Klima-diagrama | ||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||
Aukeratu beheko zatian urte-tarte bat, urte horiek goian xehetasun handiagoz ikusteko.
Ikusi edo aldatu datu gordinak.
Mugakideak
Beteluk Araitzekin du muga iparraldean, Larraunekin ekialdean, berriz ere Araitzekin mendebaldean, eta Aralarko mendilerroarekin hegoaldean.
Iturburua
Aipagarria da bertako iturburua, garai batean bainuetxea izan zena, 1818 eta 1965 urteen bitartean martxan egon zena. Gaur egun ur minerala ateratzen da, botilaratzeko. Herria iturburu horretatik ur minerala ateratzen duen Betelu enpresagatik da ezaguna gaur egun.
Demografia
Beteluko biztanleria |
---|
![]() |
2008ko erroldaren arabera, Espainiaz kanpoko zazpi etorkin bizi ziren herrian; biztanleen %2,03 dira (Nafarroako batezbestekoaren azpitik dago ehuneko hori).
Politika
Udal hauteskundeak
Beteluko alkatea Arbide Taldea (AT) herri ekimeneko Miguel Javier Errekalde Goldaratz da 2007ko udal hauteskundeez geroztik. Haren taldeak udaleko zazpi ordezkariak lortu zituen, eta, beraz, gehiengo osoa udalean. Baliogabeko zazpi boto izan ziren (emandako boto guztien %3,68) eta boto zuriak 34 izan ziren (%18,58). Abstentzioa %37,50ekoa izan zen.
Alderdia | Botoak | Zinegotziak |
Arribe Taldea (AT) | 149 | 7 |
2011n egoera lehengo bera izan zen; Arribe izan zen aurkeztutako zerrenda bakarra. 140 boto, hautetsi guztiak eta alkatetza eskuratu zituen.
Udaletxea
Udaletxea errepidearen ertzean dago eta XX. mendearen hasieran eraiki zen. Eraikinak hiru solairu dauzka, eta udalaz gain, bertan taberna, nekazaritza ganbera, anbulatorioa eta etxebizitza bat daude. Herriak alkatea eta sei zinegotzi dauzka. Beteluko idazkaria Araizko idazkari ere bada.
- HELBIDEA: Kale Zaharra, 5
Alkateen zerrenda
2007-2011 | Miguel Javier Errekalde Goldaratz | Arribe Taldea |
2011- | Miguel Javier Errekalde Goldaratz | Arribe Taldea |
Kultura
Euskara
Biztanleen %84tik gora euskaldunak dira, eta euskalkiari dagokionez, Koldo Zuazo hizkuntzalariak herriko hizkera erdialdeko euskara edo gipuzkeraren aldaeratzat hartzen du.
Bertako hedabideen artean Aralar Irratia dugu aipagai, bailarako herri honetan ere bere uhinak zabaltzen baititu.
Jaiak eta ospakizunak
Beteluko herriko jaiak ekainaren 29an ospatzen dira San Pedroren omenez.
Ondasun nabarmenak
- Beteluko San Pedro Apostoluaren parrokia, udaletxeko plazan dagoen harrizko eraikina da. Elizaren barruan, kapera nagusian, San Pedroren irudia ageri da, erdialdean, alboetan Paduako San Antonio eta Doloreetako Ama Birjina dituela.
- Apeztegi-zaharra dorretxea. Erreka baten ondoan dagoen XIII. mendeko dorretxea. Hiru solairu ditu. Harlanduzko harriko oinarriaren gainean, non erdi-puntuko arku bat irekitzen den, beste bi solairu daude. Biek fatxada luzituta dute eta egurrezko armazoia agerian daukate. Erdiko solairuan, eraikuntzari habeen bidez lotzen den estruktura bat, kanporantz irteten da.[7]
![](http://upload.wikimedia.org/wikipedia/commons/thumb/6/64/Betelu_Apeztizarra.jpg/220px-Betelu_Apeztizarra.jpg)
Beteluar ospetsuak
- Blas Alexandre Lezaeta (1597-1647), Orreagako priore eta Iruñeko apezpikua.
- Pedro Lezaeta Zabala (1612-?), Peruko erregeordea.
- Juan José Yeregui (1819-1887), erlojugilea.
- Domingo Igarabide "Juanagorri" (1829-1915), petrikilo eta kirolari ospetsua.
- Francisco Estanga "Txakarro" (1894-?), petrikiloa.
- Martin Jose Sotil "Josetxo Lasa" (1896-1964), pilotaria.
Ikus, gainera
Erreferentziak
- ↑ a b c d e Euskal Herriari Begira. Udalbiltza.
- ↑ Euskara ezagutza tasa. (2010) Euskal Herriari Begira (Udalbiltza), Eustat, INE, NASTAT eta Euskal Herriko Hizkuntza Adierazle Sistema (EAS).
- ↑ Nafarroako Gobernua. (2018). Nafarroako Datu Soziolinguistikoak. Euskarabidea, 48-53 or..
- ↑ Euskaltzaindia. 155. araua: Nafarroako udal izendegia. .
- ↑ Nafarroako Meteorologi Agentziaren webgunea.
- ↑ (Ingelesez) «Data:Betelu 1029E estazio meteorologikoaren hilabetekako datuak.tab - Wikimedia Commons» commons.wikimedia.org (Noiz kontsultatua: 2024-03-16).
- ↑ Sahats, Archivo. «Beteluko Apeztegi-zarra dorretxea (Nafarroa)» www.3digitala.com (Noiz kontsultatua: 2021-07-18).
Kanpo estekak
Euskarazko Wikipedian bada atari bat, gai hau duena: Euskal Wikiatlasa |
- Beteluko argazkiak lasonet.com webgunean.
- (Gaztelaniaz) Beteluri buruzko informazioa Nafarroako Gobernuaren webgunean.
- Beteluko Kale Nagusiaren ikuspegia, Google Street View-n.
- "Herri txiki, infernu handi" saioan (ETB1).
Datuak: Q610479
Multimedia: Betelu / Q610479
Liburuak: Euskal Herriko bidaia-gida/Herriz herri/Betelu
![]() | Leitzaldeko udalerri aurkibidea | ![]() |
---|---|---|
Araitz • Arano • Areso • Betelu • Goizueta • Larraun • Leitza • Lekunberri |