Beth Daniel
Beth Daniel | |
---|---|
![]() (2009) ![]() | |
Bizitza | |
Jaiotza | Charleston, 1956ko urriaren 14a (67 urte) |
Herrialdea | ![]() |
Hezkuntza | |
Heziketa | Furman University (en) ![]() |
Jarduerak | |
Jarduerak | golf-jokalaria eta kirol esataria |
Jasotako sariak | ikusi
|
Beth Daniel (Charleston, Hego Carolina, Ameriketako Estatu Batuak, 1956ko urriaren 14a) LPGA Tourrean jokatu zuen golf jokalari estatubatuarra da, eta 33 garaipen lortu zituen. 1980, 1981 eta 1990ean izan zen lehena diru irabazien zerrendan, eta 1980, 1990 eta 1994an Urteko Jokalariaren saria irabazi zuen, baita 1989, 1990 eta 1994an, 1989, 1990 eta 1994ko Vare saria kolpeen batez besteko txikienagatik ere.
Golf jokalari honek garaipen bakarra lortu zuen txapelketa nagusietan: 1990eko LPGA Txapelketan. Bigarrena izan zen 1984 eta 2002ko LPGA Txapelketan, 1981eko eta 1982ko AEBetako Irekian, 1982ko Kanadako Irekian eta 1983ko Dinah Shore Txapelketan. Guztira, 16 top-5 eta 33 top-10 izan zituen bere ibilbidean txapelketa nagusietan.
Bere garaipenen artean, 1980, 1981 eta 1994 LPGA Munduko Txapelketak, 1983 eta 1991 McDonald's Txapelketak, 1990eko Titleholders-a eta 2003ko Kanadako Irekia dira.
Bestalde, Danielek Solheim Kopa jokatu zuen 1990 eta 2005 artean Estatu Batuetako selekzioarekin, 26 partidatan 13,5 puntu lortuz. 2005ean Emakumeen Golfeko Munduko Kopan parte hartu zuen bere herrialdearen izenean. 2007tik Handa Kopa jokatzen du. Horrez gain, 2009ko Solheim Kopan AEBetako selekzioaren kapitaina izan zuen.
1990ean Associated Press elkarteak Urteko Emakumezko Atleta saria eman zioen, eta 2000. urtean Golf Mundialaren Ospearen Aretoan sartu zuten. Urtero Hego Carolinako junior golf jokalari gorenek Beth Daniel saria jasotzen dute.
Kirol karrera
Unibertsitate mailan, Danielek Greenvilleko Furman Unibertsitatean jokatu zuen golfean, eta 1976an AIAW taldeen txapelketa irabazi zuen. Gainera, bi aldiz irabazi zituen 1975 eta 1977ko Amateur US Open eta 1978ko Amateur Western Open. Curtis Kopa ere jokatu zuen 1976an eta 1978an.
Golf jokalari honek LPGA Tourrean debutatu zuen 1979an, Minnesotako txapelketa irabazi zuen eta Urteko Hasiberria saria irabazi zuen. 1980an lau txapelketa irabazi zituen, LPGA Munduko Txapelketa barne, eta 20 top-5 postu lortu zituen. Horri esker, diru irabazien zerrendako burua izan zen eta Urteko Jokalari Saria irabazi zuen.
1981eko denboraldian berriz ere irabazi zuen LPGA Munduko Txapelketan, eta 16 top-5ekin behin betiko sailkapeneko lehen postua errepikatu zuen. 1982an bost txapelketa irabazi zituen eta hamar top-10 lortu zituen. 1983an McDonald's Txapelketa irabazi zuen eta lau aldiz bigarrena izan zen. 1986 eta 1988 artean ez zuen irabazi.
Danielek 1989an atzera egin zuen eta lau garaipen eta lau bigarren postu lortu zituen. 1990ean zazpi titulurekin nagusitu zen, LPGA Txapelketan eta Titleholders-ean nabarmenduz, eta 13 top-5 lortu zituen. Modu honetan, lehena izan zen diru irabazien zerrendan eta Urteko Jokalari izendatu zuten. 1991n bi garaipen eta lau bigarren postu lortu zituen.
1994an, lau txapelketa irabazi zituen, batez ere LPGA Munduko Txapelketa, eta diru irabzien zerrendan bigarrena sailkatu zen, baina nahikoa izan zen Urteko Jokalari Saria irabazteko.
Bere azken garaipena 2003ko Kanadako Irekian izan zen 46 urterekin, non LPGA Tourrean irabazteko jokalaririk zaharrenaren errekorra hautsi zuen.
Kanpo estekak
- Beth Daniel LPGA Tour gune ofizialean
- Beth Daniel Munduko Golfaren Ospearen Aretoan
- Beth Daniel Golf Stats-en
Datuak: Q2900071
Multimedia: Beth Daniel / Q2900071