Bisk
Bisk Бийск | |||
---|---|---|---|
giza kokalekua | |||
![]() | |||
| |||
Administrazioa | |||
Estatu burujabe | ![]() | ||
Errusiako kraiak | ![]() | ||
Hiri okruga | Biysk Urban Okrug | ||
Alkatea | Q29865032 ![]() | ||
Jatorrizko izena | Бийск | ||
Posta kodea | 659300 | ||
Geografia | |||
Koordenatuak | 52°31′N 85°10′E / 52.52°N 85.17°E / 52.52; 85.17 | ||
![]() | |||
Azalera | 291,67 km² | ||
Altuera | 180 m | ||
Demografia | |||
Biztanleria | 183.852 (2021)![]() | ||
Dentsitatea | 630 bizt/km² | ||
Informazio gehigarria | |||
Sorrera | 1709 | ||
Telefono aurrizkia | 3854 | ||
Ordu eremua | UTC+07:00 eta Krasnoiarskeko ordua | ||
biysk22.ru |
Bisk (errusieraz Бийск[1]) Errusiako Altai Kraiko hiria da. 1989ko erroldaren arabera, 233.238 biztanle zituen; 2002an, 218.562; eta 2010ean, 210.115 ziren. Horrek adierazten du bere biztanleriaren % 10 galdu duela, gutxi gorabehera, Berlingo harresia erori zenetik, nahiz eta kraiko bigarren hiririk populatuena izaten jarraitzen duen, Barnaul hiriburuaren ondoren, hain justu. Bisken, Biya eta Katun ibaiek bat egiten dute, Ob ibai handia osatuz, Errusiako bigarren luzeena (Jenisei ibaiaren ondoren) eta munduko zazpigarren luzeena.
Geografia
Bisk Siberiako hego-mendebaldean dago, Biya ibaian, Katun ibaiarekin bat egiten duen lekutik oso gertu. Hiria Altai mendilerroen ate bezala hartzen da bere posizio geografikoa dela eta, mendi horietatik ez oso urrun. Txuiski trakt errepidea, Mongoliako mugatik oso gertu pasatzen dena, Bisken hasten da.
Historia
Hiria 1709an sortu zen gotorleku gisa, Pedro I. Handia Errusiako enperadorearen aginduz, baina urtebete inguru geroago, tribu nomada batek erre zuen, eta, 1718an, berreraiki behar izan zuten. Pixkanaka-pixkanaka, base militar gisa zuen eginkizuna galduz, merkataritza gune garrantzitsu bihurtu zen 1782an.
Ekonomia
Hiriko industria azkar hazi zen, batez ere Bigarren Mundu Gerran mendebaldeko Sobietar Batasunetik lantegi batzuk lekuz aldatu ondoren. Geroago, hiria armamentua garatzeko eta ekoizteko gune garrantzitsua izan zen, eta, oraindik ere, industriagune garrantzitsua da.
Biztanleria
Rameskoeren bilakaera demografikoa. | |||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
1897 | 1926 | 1939 | 1959 | 1967 | 1970 | 1989 | 1996 | 2002 | 2008 | ||||||||||
17.200 | 73.000 | 80.300 | 146.000 | 181.000 | 186.000 | 233.200 | 239.400 | 218.562 | 222.900 |
Garraioa
Biskek tren geltokia du; Biya ibaian, portua, eta Bisk-eko aireportuak zerbitzatzen du. Novosibirsk-Bisk-Taxanta autobide federalak hiria zeharkatzen du.
Hezkuntza eta kultura
Bisk hezkuntza eta kultura zentroa da; irakasleen unibertsitatea, institutu teknikoa eta beste hainbat hezkuntza erakunde ditu, besteak beste, antzerki eskola bat (1943an sortua), tokiko tradizioen museoa, etab.
Erreferentziak
- ↑ Euskaltzaindia, alfabeto zirilikoz idatzitako izenak euskarara aldatzeko transkripzio-sistema. 156. araua
Kanpo estekak
Datuak: Q102667
Multimedia: Biysk / Q102667