Blackrock (Dublin)

Blackrock Blackrock An Charraig Dhubh
hiria
Irudi gehiago
Administrazioa
Estatu burujabe	Irlandako Errepublika
Local government county in Ireland	Dun Laoghaire-Rathdowneko konderria
Izen ofiziala	Blackrock An Charraig Dhubh
Jatorrizko izena	Blackrock An Charraig Dhubh
Geografia
Koordenatuak	53°18′05″N 6°10′40″W / 53.3015°N 6.1778°W / 53.3015; -6.1778
Altuera	80 m
Demografia
Biztanleria	28.557 (2002)
Informazio gehigarria
Ordu eremua	UTC±00:00

Blackrock (irlanderaz An Charraig Dhubh) Irlandako Errepublikako Dublin hiriburuko eremu bat da, hain zuzen ere Dublingo Hegoaldean kokatua dago, Dun Laoghaire-Rathdowneko konderrian. Konderriko hiri handiena bada ere, hiriburua Dún Laoghaire da. 28.070 biztanle ditu (2006)

Aintzina Newtown on the Strand by the Black Rock ("haitz beltzeko hondartzako herri berria") izena izan zuen baina denboraren poderioz Blackrock ("haitz beltza") izenarekin laburtu da.

Erdi Aroan jadanik bertan herrixka bat bazegoen. Arrantzale herri txikia izan zen beti eta Blackrockerako bideak arriskutsua izatearen sona zeukan gainera, bertan gertatzen ziren lapurreta ugariengatik. XVIII mendearen bukaeran ordea garapen handia ezagutu zuen hondartza eta bainuetxeak zirela eta.

Dublin eta Dún Laoghaire arteko trenbidea itsasertzetik zehar eraiki zutenean, trenbidea eta hondartzaren arteko zatia itsasgoratan urpean gelditzen zen padura bihurtu zen, osasunerako kaltegarria izanik. Udalak orduan lurrez bete eta parke bihurtzea erabaki zuen, baina jadanik turismoa alde egina zen.

Garai onenetan eraikitako etxe ugarik zutik diraute oraindik.

• Frescati House (1739an eraikia)
• Maretimo House (1770)
• Blackrock House (1774)

• Lord Edward FitzGerald (1763-1798), irlandar aristokrata eta iraultzailea, Frescati Housen jaioa.
• James Stephens (1825-1901), irlandar iraultzailea.
• John Boyd Dunlop (1840-1921), eskoziar ingeniaria Dunlop Tyres pneumatiko konpainiaren fundatzailea, bertan bizi izan zen.
• Maurice Walsh (1879-1964), idazlea, bertan bizi izan zen.
• James Joyce (1882-1941), idazlea, bertan bizi izan zen.

• Datuak: Q2448591
• Multimedia: Blackrock, Dublin / Q2448591