Dánae Riaño
Dánae Riaño | |
---|---|
Bizitza | |
Jaiotza | Irun, 2003ko urtarrilaren 18a (21 urte) |
Herrialdea | ![]() |
Hezkuntza | |
Hizkuntzak | euskara gaztelania |
Jarduerak | |
Jarduerak | aktorea eta abeslaria |
Dánae Riaño Cincunegui[1] (Irun, Gipuzkoa, 2003ko urtarrilaren 18a) euskal abeslaria eta aktorea da. Bagoǃaz lehiaketaren hirugarren edizioa irabazi zuen 2019an, eta horregatik Goǃazen telesaileko protagonistetako bat da Goǃazen 6.0, Goǃazen 7.0 eta Go!azen 8.0 denboraldietan.[2]
Bizitza
Dánae, Irunen jaio zen 2003ko urtarrilaren 18an. Aita Daniel Riaño, musikaria du. Txikitatik murgildu zen musikaren munduanː 3 urte zituela ikasi zuen pianoa jotzen, eta gerora gitarra, ukelelea eta baxua jotzen ere ikasi du.[3] Oiartzungo Elizalde Institutuan egin zituen lehen ikasketak. Irungo Skola Musik akademiako ikaslea izan zen. Horretaz gain zenbait dantza estilo menperatzen ditu.
2015ean ETB 1eko Izarrak kalean lehiaketarako castingean parte hartu zuen.[4] 2015eko udan Kantugiro lehiaketako Lesakako eta Lizarrako saioetan parte hartu zuen.[5] 2019an Bago!az lehiaketaren hirugarren edizioan parte hartu zuen. Lehiakide gazteena izan zen, 16 urterekin, eta irabazle suertatu zen. Hori dela eta Go!azen telesailaren seigarren denboraldian agertu da.[6] Hau izan da bere lehen aktore lana.[7]
Filmografia
Urtea | Izenburua | Papera | Katea | Oharrak |
---|---|---|---|---|
2015 | Kantugiro | Lehiakidea | ETB1 | 2 atal |
2019 | Bagoǃaz 3.0 | Lehiakidea | ETB1 | Irabazlea (13 atal) |
2019-2022 | Goǃazen | Maialen "Maddi" Zubizarreta | ETB1 | Pertsonaia nagusia (36 atal)
|
2019 | Goǃazen 2020 | Bere burua | ETB1 | Urtezahar gaueko saio berezia |
2020 | Goǃ 2021 | Bere burua | ETB1 | Urtezahar gaueko saio berezia |
Erreferentziak
- ↑ Abizena Cincunegui idaztea euskal herritar honen aukera pertsonala da. Izan ere, Euskaltzaindiak, euskara baturako, Zinkunegi onartu du deitura honen grafiatzat. Ikus Euskal Onomastikaren Datutegia.
- ↑ «'Zatoz gurekin!' izeneko bideoklip berria grabatu du 'Go!azen'ek!» www.eitb.eus (Noiz kontsultatua: 2019-07-03).
- ↑ «Danae Riaño, ETB1eko Bago!az 2019 lehiaketako parte-hartzailea | | EiTB Bago!az» www.eitb.eus (Noiz kontsultatua: 2019-07-03).
- ↑ «Danae Riaño eta Enara Arregi - Itsasoa gara» www.eitb.eus (Noiz kontsultatua: 2020-01-23).
- ↑ «Lizarrako 'Kantugiro'n ere izan dira Danae eta Enara» www.eitb.eus (Noiz kontsultatua: 2020-01-31).
- ↑ «Dánae Riaño, 'Bago!az'en 3. denboraldiko garailea!» www.eitb.eus (Noiz kontsultatua: 2019-07-03).
- ↑ Urkizu, Urtzi. «Transexual bat eta neska islamiar bat, 'Go!azen'-en atal berrietan» Berria (Noiz kontsultatua: 2019-07-03).
Kanpo estekak
Datuak: Q64996088