Ega
- Artikulu hau Nafarroako ibaiari buruzkoa da; beste esanahietarako, ikus «Ega (argipena)».
Ega | |
---|---|
![]() | |
Datu orokorrak | |
Garaiera | 290 m |
Mota | ibai eta ur-laster |
Luzera | 113 km |
Geografia | |
![]() | |
Koordenatuak | 42°36′48″N 2°37′27″W / 42.6132°N 2.6243°W / 42.6132; -2.6243 |
Estatu burujabe | ![]() |
Autonomia | ![]() |
Hidrografia | |
Ibaiadarrak | ikusi
|
Arroaren azalera | 1.497 km² |
Arro hidrografikoa | Ebroren arro hidrografikoa |
Bokalea () | Ebro |
Ega[1] Arabako hegoaldean jaiota ia ibilbide osoa Nafarroa Garaiko hego-mendebaldean egiten duen ibai bat da, Ebroren adarra. 113 kilometro luze da, eta 1.461 kilometro koadroko arroa drainatzen du.[2]
Geografia
Toloñoko mendietatik datorren erreka batek eta Iturrietako mendietatik (Entziaren hegoaldean) jaisten den beste batek eratzen dute. Sartalde-sortalde norabidean doa Lizarraraino. Hegoaldera abiatzen da ondoren eta Lerindik igaro eta gero, San Adrianen Ebro ibaira isurtzen da.[3]
Ega ibaiak Mendatza, Kanpanarea eta Zamarka erreken ura jasotzen du eskuinaldetik; Urederra eta Irantzu ibaiena ezkerraldetik. Kanpezu, Antzin, Legaria, Murieta, Zubielki, Arbeitza, Lizarra, Iratxe, Lerin, Carcar, Andosilla eta San Adrian herrietatik igarotzen da. Ebro ibaiak Nafarroatik jasotzen dituen hiru adar nagusietatik urriena da.[4]
Ibaiadarrak
Egaren ibaiadarrak hauek dira: Izki, Istora, Galbarra, Ubaria, Sardegi, Zelaieta, Urederra eta Irantzu.
Hidrometria
Ega ibaiaren emaria Andosillan neurtu zen 1912-2010 bitartean.[5] Ibaiak 1.445 kilometro koadroko eremua drainatua du gune horretan, arro osoaren % 99. Urteko batez besteko emaria segundoko 13,6 m³ da. Emari handiena otsailean du (25,7 m³/s), eta txikiena abuztuan (2,8 m³/s).
Ega ibaiaren batez besteko emariak (m³/s), Andosillan neurtuak
Datuak: 1912 eta 2010 artean
![](http://upload.wikimedia.org/wikipedia/eu/timeline/24sabys4zg6n40rz1ylovooyyi36vsk.png)
Erreferentziak
Kanpo estekak
Datuak: Q20348
Multimedia: Ega River / Q20348
Euskarazko Wikipedian bada atari bat, gai hau duena: Euskal Wikiatlasa |