Ellia Green
Ellia Green | |
---|---|
![]() | |
Bizitza | |
Jaiotzako izen-deiturak | Ellia Tiriseyani Green |
Jaiotza | Suva, 1993ko otsailaren 20a (31 urte) |
Herrialdea | ![]() |
Jarduerak | |
Jarduerak | zazpiko errugbi jokalaria |
Parte-hartzailea
| |
Pisua | 75 kilogramo |
Altuera | 1,72 metro |
Jasotako sariak | ikusi
|
![]() ![]() ![]() ![]() ![]() |
Ellia Tiriseyani Green (Suva, Australia, 1993ko otsailaren 20a) OAM sariduna, errugbilari australiarra da. Garai batean, Green Australiako zazpiko errugbi (7 taldekiderekin) taldeko kide izan zen, urrezko domina irabazi zuena Rioko 2016ko Udako Olinpiar Jokoetan. Ellia Greenek New Zeeland Warriors errugbi taldean jokatu zuen ere NRLWn txapelketarako.
Lehen urteak
Suvan (Fiji) jaio zen eta, Greenek bost urte zituela, Australiako Erdialdeko Kostara, Hego Gales Berrira, joan zen. [1] [2] Sei urterekin hasi zuen Little Athletics kirol programan parte hartzen, esprintean nabarmenduz. Greenek 10 urte eman zituen atletismoan, Australia ordezkatu izan zuen 100 metro, 200 metro eta luzera-jauzian World Junior Championships txapelketetan, bere lehengusuek Green konbentzitu zuten arte zazpiko errugbia probatzeko. [3] Hasieran, klubeko mailan Warringah taldean jokatzen hasi zen eta 2013ko otsailean Australian debutatu egin zuen.
Green Sydneyko Lane Cove auzoan bizi da. [2]
Karrera profesionala
Zazpiko errugbia
Greenek 80 metroko entsegu bat lortu zuen Kanadaren aurka Gold Coast Sevens-eko hiru partidako jardunaldian, Fox Sports-en zuzenean igorritako partidan. Lau orduko epean, entsegua 200.000 aldiz baino gehiagotan ikusi zen IRB Sevens World Series Facebookeko orrian. Australian Rugby Sevens programak Green kontratatu zuen 2012an Melbournen, Pathway to Gold Talent ID kanpamendu batean parte hartzen ikusi zuten ostean. Green esprinterra zen, 2009an Qatar-eko Munduko Eskolarteko Jokoetan Australia ordezkatu zuena atletismoan eta 2015eko maiatzean, Twickenham-en, Kanadaren aurkako azken txistua jo ondoren, entsegu irabazlea lortu zuena. [4] [5] Green Australiako taldeko kide izan zen 2016ko Olinpiar Jokoetan, eta Zeelanda Berria garaitu zuen finalean, kiroleko lehen urrezko domina olinpikoa irabaziz. [6] [7] [8] [9] [10] [11] [12]
2020ko Olinpiar Jokoak hasi baino lehen, Greenek zailtasunak izan zituen belauneko lesio bat zela eta, ez baitzuen horrelakorik aurreikusi. John Manenti entrenatzaileak taldetik kanpo utzi zuen Green, honako hau esanez: “bere karrerako unerik gogorrena da”, eta hau erantsi zuen: “ezin du lehen bezain azkar korrika egin. Azken batean, hori da bere berezitasuna, eta ez da emaitza onak ateratzen ari.”[13] Greenek, Instagramen, esan zuen: “Azken egunak nahiko luzeak eta gogorrak izan dira, Tokioko Joko Olinpikoetarako ez naizela hautatua izan esan zidatenetik”.[14]
2021eko azaroaren 9an, Greenek zazpiko errugbitik erretiratu zela aitortu zuen. [15]
Green-ek bere ibilbidea zazpiko errugbiko Sevens Series lehiaketan amaitu zuen 149 agerraldirekin (26.a), 94 plakaketa, 141 entsegu (4.a), 739 puntu (6.a), 90 jokaldi garbi (10.a) eta 244 lasterketa (27.a). [16] [17]
Errugbi liga
2020ko irailean, Greenek, Australia sevens-eko Evania Pelite taldekidearekin batera, [18] NRL Women's Premiership (NRLW) New Zealand Warriors taldearekin sinatu zuen. Green Brisbane Broncos-en sinatzeko prest zegoen, baina ez zuen lau asteko epea Queensland-en, COVID-19 koarentenan baldintzapean, igaro nahi izan. [19] [20]
Bere debutean, Greenek alboko entsegu bat lortu zuen Broncosen aurka 8. minutuan. Ez zuen berriro punturik lortu, baina haren presentzia arriskutsua nabarigarri mantendu zuen partida osoan. [21] [22] Greenek berriro entsegua egin zuen hirugarren partidan St. George Illawarra Dragons-en aurka, eta Evania Pelite taldekidearekin batera 10-22 irabaztea lortu zuten. [23] [24]
Erreferentziak
- ↑ Rio Olympics 2016: The truly inspiring story of Sevens star Ellia Green. .
- ↑ a b Baker, Kelly. (14 December 2020). «Rugby star Ellia Green tells us a few of her favourite things» North Shore Times.
- ↑ Archived copy. .
- ↑ «Ellia Green» rugby.com.au.
- ↑ Nicholson, Larissa. (2015-11-28). «From sprinting to rugby for Melbourne athlete» The Sydney Morning Herald.
- ↑ «Australia wins gold in women's rugby sevens» Sky News 9 August 2016.
- ↑ Newman, Beth. (14 July 2016). «Rio Olympics: Australian Sevens teams announced» www.rugby.com.au.
- ↑ «Rio Olympics: Australia's men's and women's sevens squads unveiled» foxsports.com.au 2016-07-14.
- ↑ «Rio 2016: Olympic squads named by Australia for rugby sevens debut at Games» ABC.net.au 2016-07-14.
- ↑ «Australia's Olympic Sevens squads announced» Rugby News.net.au 2016.
- ↑ «Australia name a mix of veterans, young guns for men's, women's Olympic sevens squads» ESPN.com.au 15 July 2016.
- ↑ «Key players return as Australia name Olympic sevens squads» worldrugby.org 2016.
- ↑ Doran, Christy. (3 July 2021). «Biggest selection call since leaving Giteau out of World Cup - Green dumped from Olympics team» Fox Sports Australia.
- ↑ «Kerevi makes Australia's sevens squad, Green left out» Reuters 3 July 2021.
- ↑ Williamson, Nathan. (9 November 2021). «Ellia Green announces retirement from Sevens» rugby.com.au.
- ↑ «Stats Centre» world.rugby (World Rugby).
- ↑ «Ellia Green – World RugbyProfile» world.rugby (World Rugby).
- ↑ Airth, Jocelyn. (3 October 2020). «NRLW 2020: Charlotte Caslick and Elsie Albert among Ruan Sims’ players to watch» The Daily Telegraph.
- ↑ Newton, Alicia. (18 September 2020). «Warriors leave rivals Green with envy after signing rugby star» nrl.com.
- ↑ «Australian rugby sevens stars Ellia Green and Evania Pelite join Kiwi Ferns and Jillaroos in Warriors NRLW squad» Stuff 18 September 2020.
- ↑ Gabor, Martin. (3 October 2020). «NRLW 2020: Charlotte Caslick sounds warning with stellar debut» The Daily Telegraph.
- ↑ «Broncos v Warriors» nrl.com 3 October 2020.
- ↑ Encarnacion, Matt. (17 October 2020). «Sevens pair unlikely to play NRLW Origin» Perth Now.
- ↑ «Dragons v Warriors» nrl.com 17 October 2020.
Kanpo estekak
- Ellia Green Australiako Errugbian
- Gudarien profila
- Ellia Green 2018ko Commonwealth Jokoetan
Datuak: Q22004661