Françoise Barré Sinoussi
Françoise Barré Sinoussi | |
---|---|
![]() (2008) ![]() | |
Bizitza | |
Jaiotzako izen-deiturak | Françoise Claire Sinoussi |
Jaiotza | Parisko 19. barrutia eta Paris, 1947ko uztailaren 30a (77 urte) |
Herrialdea | ![]() |
Hezkuntza | |
Heziketa | Parisko Unibertsitatea |
Hizkuntzak | frantsesa |
Jarduerak | |
Jarduerak | biologoa, birologoa, directeur de recherche (en) ![]() |
Enplegatzailea(k) | Institut national de la santé et de la recherche médicale Pasteur Institutua (1988 - |
Jasotako sariak | ikusi
|
Kidetza | Frantziako Zientzien Akademia European Molecular Biology Organization (en) ![]() Royal Academy of Medicine of Catalonia (en) ![]() |
Françoise Barré-Sinoussi (Paris, Frantzia, 1947ko uztailaren 30a) zientzialaria da, birologian aditua. 2008 urteko Medikuntzako Nobel Sariaren irabazlea izan zen, Luc Montagnier eta Harald zur Hausenekin batera.
Biografia
1970eko hamarkadaren hasieran, Parisko Pasteur Institutura batu zen. Zientzietan, biokimikan, doktoratu zen 1974an, eta 25 urte zituenetik ikertzaile bezala egiten du lan Parisko Pasteur Institutuan. Bere erretrobirologiako lorpenak 1983tik ezagutzen dira, Science aldizkarian argitaratutako txosten bategatik. Bertan, GIB erretrobirusaren aurkikuntza azaltzen zuen, horixe izanik HIESA eragiten duen erretrobirusa.
HIESak gehien jotako herrialdeetan bidaiak egin ditu, arlo horretan gehien behar duten herrialdeei lagundu ahal izateko, diagnostikoa hobetu eta hau kontrolatu ahal izateko.
2008an Fisiologia eta Medikuntza Nobel Saria irabazi zuen Luc Montagnier eta Harald zur Hausenekin batera 1983an egin zuten HIESaren aurkikuntzagatik.[1]
2012-2014 urte bitartean IAS - HIESaren Nazioarteko Elkarteko lehendakaria izan zen. 2012an HIESaren aurkako Nazioarteko XIX. Konferentziaren amaieran izendatu zuten lehendakari,[2] eta bi urtez egon zen karguan, 2014ko HIESaren aurkako Nazioarteko XX. Konferentziaren burua izanik.[3][4]
Gaur egun, Pasteur institutuko Infekzio Erretrobiralen Unitateko zuzendaria da. Horretaz gain, HIESaren Gobernu Kontseiluko Elkarte Internazionaleko kide da. 200 publikazio baino gehiago burutu ditu jada, eta beste hainbeste artikulu zientifiko, gainera, konferentzia eta kongresu askotan hartzen du parte. Egungo ikerketak birusaren eramaileetan zentratzen ditu, eramaile baina gaixotasuna garatu gabe dutenetan.
Sariak eta Aitortzak
Dozenaka sari jaso ditu, besteak beste:[5]
- 2016an Ohorezko Legioko Gurutze Handia jaso zuen
- 2015ean honoris causa doktorea Kwazulu Natal Unibertsitatean (Hegoaldeko Afrika)
- 2014an Pharmacy National Academy-ko kidea izendatu zuten
- 2014an honoris causa doktorea Hegoaldeko Gales Berriko Unibertsitatean, Lausanako Unibertsitatean (EPLF), Peruko Cayetano Heredia Unibertsitatean eta Norvegiako Bergen Unibertsitatean.
- 2013an honoris causa doktorea Argentinako Cordoba Unibertsitatean
- 2009an Frantziako Zientzia Akademiaren kide izendatu zuten[6]
- 2008an Fisiologia eta Medikuntza Nobel Saria HIESaren aurkikuntzagatik
- 2001ean HIESaren Nazioarteko Elkartearen saria
- 1993an King Faisal Fundazioaren Saria[7]
- 1986an Europako Zientziaren sustapenerako Korber Fundazioaren Saria[7]
- 1985ean Sovac Saria[7]
Erreferentziak
- ↑ (Gaztelaniaz) CSIC. (2019-02-18). «Françoise Barré-Sinoussi» Consejo Superior de Investigaciones Científicas (Noiz kontsultatua: 2022-01-03).
- ↑ (Gaztelaniaz) García, Carolina. (2012-07-28). «Objetivo, más tratamiento contra el sida» El País ISSN 1134-6582. (Noiz kontsultatua: 2022-01-03).
- ↑ (Gaztelaniaz) «Concluyó la Conferencia sobre Sida con un llamado a ampliar el acceso a tratamiento» Noticias ONU 2014-07-25 (Noiz kontsultatua: 2022-01-03).
- ↑ (Gaztelaniaz) «La Conferencia Internacional Francófona sobre el VIH y la hepatitis comienza en Montpellier» www.unaids.org (Noiz kontsultatua: 2022-01-03).
- ↑ «Prof. Françoise Barré-Sinoussi - AcademiaNet» www.academia-net.org (Noiz kontsultatua: 2022-01-03).
- ↑ «Françoise Barré-Sinoussi | Liste des membres de l'Académie des sciences / B | Listes par ordre alphabétique | Listes des membres | Membres | Nous connaître» www.academie-sciences.fr (Noiz kontsultatua: 2022-01-03).
- ↑ a b c (Ingelesez) «Nobel Prize in Medicine 2008 awarded to Professors Françoise Barré-Sinoussi and Luc Montagnier» Institut Pasteur 2014-01-23 (Noiz kontsultatua: 2022-01-03).
Ikus, gainera
- HIESaren Nazioarteko Elkartea (IAS)
Kanpo estekak
Egile honen argitalpenei buruzko informazioa lortu dezakezu Scholian
Datuak: Q103844
Multimedia: Françoise Barré-Sinoussi / Q103844
![]() ![]() | Artikulu hau Frantziako biografia baten zirriborroa da. Wikipedia lagun dezakezu edukia osatuz. |