Ignazio Gardella
Ignazio Gardella | |
---|---|
Bizitza | |
Jaiotza | Milan, 1905eko martxoaren 30a |
Herrialdea | ![]() ![]() |
Bizilekua | Via Paolo Marchiondi 7 (en) ![]() |
Heriotza | Oleggio, 1999ko martxoaren 16a (93 urte) |
Hezkuntza | |
Heziketa | Polytechnic University of Milan (en) ![]() |
Hizkuntzak | italiera |
Jarduerak | |
Jarduerak | arkitektoa, ingeniaria, diseinatzailea eta unibertsitateko irakaslea |
Lan nabarmenak | ikusi
|
Jasotako sariak | ikusi
|
Ignazio Gardella (Milan, Italia, 1905eko martxoaren 30a - Oleggio, Italia, 1999ko martxoaren 15a) italiar arkitektoa izan zen.
Biografia
![](http://upload.wikimedia.org/wikipedia/commons/thumb/6/6e/Paolo_Monti_-_Servizio_fotografico_%28Venezia%2C_1982%29_-_BEIC_6354245.jpg/220px-Paolo_Monti_-_Servizio_fotografico_%28Venezia%2C_1982%29_-_BEIC_6354245.jpg)
![](http://upload.wikimedia.org/wikipedia/commons/thumb/5/55/Paolo_Monti_-_Servizio_fotografico_-_BEIC_6355522.jpg/220px-Paolo_Monti_-_Servizio_fotografico_-_BEIC_6355522.jpg)
Arkitekto- eta ingeniari-familia batean hazia eta hezia. Hasieran, arrazionalismoaren jarraitzaile gisa, ez zion ideologia sozial edo estetikorik aplikatu bere arkitekturari, bere belaunaldiko beste arkitekto batzuek ez bezala. Bere proiektuak dotoretasunagatik eta konposizioaren argitasunarengatik bereizten dira, beren indar poetikoarengatik, eta arazoei irtenbide errazak emateko joeragatik.
Hasierako lanen artean, aipagarriak dira, besteak beste, Busto Arsizioko antzokiaren berritze-lana (1934) eta Milango Borletti etxearen zabaltze-lana (1935), eta, batez ere, Alexandriako tuberkulosiak jotako erientzako klinika, bere maisulanetako bat. Azkeneko lan horretan, Gardellaren arkitekturaren ezaugarri berezienak ikus daitezke: gainaldeen definizio geometrikoa eta materialaren erabilera burutsua. Adreilua eta hormigoi armatua erabiliz, lekuan lekuko eraikuntza-tradizioa eta kolorea balioztatu zituen.
Pixkana, baina, hasierako joeratik aldenduz joan zen, tradizioaren eta inguruneko motibo arkitektonikoak hizkuntza moderno batera bihurtzeko asmoz (Catenako etxebizitzak, 1946). 1952an, etxe-multzo bat eraiki zuen Cesate Milanesen, eta adreiluzko eliza bat. 1953an, arrazionalismora itzulita, Milango Arte Modernoko Museoa egin zuen. Gardellaren obra nagusietako bi Alexandriako lanbide-eskola eta Milango Olivettirentzako ikasketa-zentroa dira. Beste lan batzuk: Alexandriako Higiene Laborategia (1937-1939) eta langileentzako etxebizitzak (1952); Borletti fabrikarako eraikinak (1951), Erromako E-42ko aterpe-etxea; Varinellako aldareko kapera.
Erreferentziak
Wikimedia Commonsen badira fitxategi gehiago, gai hau dutenak: Ignazio Gardella ![]() |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q1306518
Multimedia: Ignazio Gardella / Q1306518