Ionan Marigomez
Ionan Marigomez | |
---|---|
![]() (2018) ![]() | |
Bizitza | |
Jaiotza | Erandio, 1961 (62/63 urte) |
Herrialdea | ![]() |
Jarduerak | |
Jarduerak | unibertsitateko irakaslea eta biologoa |
Lantokia(k) | Plentziako Itsas Estazioa |
Enplegatzailea(k) | Euskal Herriko Unibertsitatea (1991ko urriaren 1a - 1999ko apirilaren 4a) |
![]() |
Ionan Marigomez Allende (Erandio, Bizkaia, 1961) Euskal Herriko Unibertsitateko irakaslea da eta ikertzaile nagusia Plentziako Itsas Estazioan (PIE). Bera izan zen Plentziako ikerketa-zentro horren sortzaileetako bat 2012an eta harrezkero zuzendari-lanetan izan da. Isurketek, kutsadurak eta klima aldaketak itsas ingurumenean duten eragina ikertzen du Plentzian. [1]
Plentziako Itsas Estazioaren sortzaile eta gidari
Plentziako Itsas Estazioa edo PIE Plentziako hondartzan dagoen ikerketa-zentroa da. Ionan Marigomez izan zen sustatzaile nagusia eta 2012tik bera izan da zentroaren zuzendaria eta gidaria.
![](http://upload.wikimedia.org/wikipedia/commons/thumb/9/93/Gorliz_eta_Plentziako_hondartzak.jpg/260px-Gorliz_eta_Plentziako_hondartzak.jpg)
Itsas Biologiaren eta Ingurumen Biologiaren esparruan ikerketa- eta hezkuntza-jarduerak sustatzeko eta horri buruzko ezagutza zientifikoen hedatzeko sortu zuten. Euskal Herriko Unibertsitateak Itsas Biologian esperimentazio-zerbitzua sortzeko interesa aitortu zuen: estazioak itsasoko ur-bolumen handiak aztertzeko aukera ematen du, eta, horri esker, esperimentuak beste modu bideragarriago batean egin daitezke. Pentsaezinak baina beharrezkoak diren baliabide horiek bikaintasuneko ikerketa-talde finkatuentzako "laborategi" itzela da. Azpimarratzekoa da ingurumen-hezkuntzako mintegi iraunkor bat ere sortu dela proiektuaren inguruan, graduondoko prestakuntza (nazioarteko kalitateko master ofizialak), biltzarrak, unibertsitateko ikastaro espezializatuak, zabalkunde-jarduerak eta abar barne. [2][3]
Plentziako Itsas Estazioa dagoen eraikina 1923an eraikitako erietxea zen. Bizkaiko Aurrezki Kutxa zaharrak hezur-tuberkulosiaren gaixoentzako helioterapia-erietxe bihurtu zuenean. Hainbat hamarkadatan Bizkaiko Aurrezki Kutxarena izan zen (BBK, orain Kutxabank). Finantza-erakundeak hasieran Plentziako Udalari eman zion eraikina, eta, azkenean, UPV/EHUri. Eraikina birmoldatu, egokitu eta hornitzeko egindako inbertsioa Bizkaiko Aldundiak finantzatu zuen ia osorik.
- Plentziako Itsas Estazioa
-
-
-
-
Ikasketak
EHUko zientzia Fakultatean kasi zuen Biologia. Aparteko Saria lortu zuen bere doktoretzagatik (1989). Doktoratu aurreko eta ondoko ikerketa-ikasketak egin zituen atzerriko zenbait erakundetan: Galesko Unibertsitatea (Aberystwyth, Erresuma Batua, 1988), Heidelberg-eko Unibertsitatea (Alemania, 1992), King’s College School of Medicine & Dentistry (Londres, Erresuma Batua, 1993), Scripps-eko Institutu Ozeanografikoa (AEB).
Irakaslea
Zoologia eta Animalia Zelulen Biologia Saileko burua izan zen. Euskara unibertsitatean sartzeko prozesuaren barruan hainbat irakasgai irakatsi ditu euskaraz, eta horien artean hauek: Animalien organografia mikroskopikoa, Biologia zelularreko metodo eta teknikak, Landare eta animalien zitologia eta histologia, eta Animalia organografia mikroskopikoa
Adituak eta doktoreak hezteko ikerlari eragilea
Ikerketa-prestakuntzan jardun da, eta UPV/EHUko Erasmus/Socrates koordinatzailea izan da "Ingurumen Zientziei eta Hezkuntza" sarean (1989tik), Ingurumen Biologiari eta Bizi Kalitateari buruzko Doktoretza Programen zuzendaria (198tik), Ingurumen Kutsadura eta Toxikologiarea (2012tik), &Tsas-ingurune eta baliabideak (2009tik). Halaber, Ingurumen Kutsadura eta Toxikologia MSc (05-2012) eta European MSc Marine Environmental Resources (Quality Award MEC, Mundus Master, 2013az geroztik - International Ordinator-; 05-oraina) koordinatzaile izan zen. Istripuetako Itsas Isurien Koordinazio Zientifikoko MICINN Batzordeko (03-07) eta Prestige petroliontziko Batzorde Zientifikoko (02-04) kide izan zen. Biologia zelularra, biomarkatzaileak, poluzioaren monitorizazioa, ekosistemen, metalen, petrolio-isuriaren, itsasoaren, lurzoruaren, klima-aldaketa, animalien histologia konparatiboa, histopatologia, histokimika, mikroskopia kuantitatiboa.
13 tesi zuzendu ditu (2 aparteko sariarekin), baita maisutza-tesia eta Lizentziatura-tesia ere (“25”). 150 argitalpen zientifiko eta liburu-kapitulu baino gehiago sortu ditu , eta 250 ekarpen baino gehiago estatuko eta nazioarteko hitzaldietan.
Hezkuntza, Ekonomia eta Lehiakortasun Ministerioak, Euskal Herriko Unibertsitateak, Eusko Jaurlaritzak (Saiotek & Etortek programak) finantzatutako ikerketa-proiektuak gainbegiratu eta koordinatu ditu, bai eta udalerriekin, estatuko eta tokiko ingurumen-agentziekin eta enpresa pribatuekin (atzerrikoak eta tokikoak) egindako kontratuak ere.
Azken 15 urteetan etenik gabe parte hartu du Europar Batasuneko seigarren eta zazpigarren esparru-unitateetako eta H2020ko programetan finantzatutako Europako ikerketa-proiektuetan.
Ikerketa-lerroak
Ugariak dira ikerlari moduan landu dituen arloak. Gai hauetan aditua da: Biologia zelularra, biomarkatzaileak, poluzioaren monitorizazioa, ekosistemen, metalak, petrolio-isuriak, itsasoa, lurzorua, klima-aldaketa, animalien histologia konparatiboa, histopatologia, histokimika, mikroskopia kuantitatiboa.
Ikerketa-elkarteetan eragilea
Estatuko eta nazioarteko biltzarrak antolatzen lagundu du, eta horietako askoren Antolakuntza Batzordean eta Batzorde Zientifikoan parte hartu du.
Ingurumen Kutsaduraren eta Toxikologiaren Latinoamerikako Elkartearen kide sortzaile eta lehen lehendakaria izan zen (SICTA, 1998).
Kudeatzailea eta antolatzailea
Marigomezek ibilbide luzea egin du unibertsitate-kudeaketan. Honako kargu hauek izan ditu UPV/EHUn: Zoologia eta Animalia Zelulen Biologia Saileko zuzendaria
UPV/EHUko Erasmus/Socrates koordinatzailea izan da "Ingurumen Zientziei eta Hezkuntza" sarean (1989tik), Ingurumen Biologiari eta Bizi Kalitateari buruzko Doktoretza Programen zuzendaria (198tik), Ingurumen Kutsadura eta Toxikologiarena (2012tik), Itsas-ingurune eta baliabideak (2009tik). Halaber, Ingurumen Kutsadura eta Toxikologia masterrean (2005-2012) eta European MSc Marine Environmental Resources (Quality Award MEC, MasterMundus , 2013az geroztik - International coordinator-; 2005-oraina) koordinatzaile izan zen.
Istripuetako Itsas Isurien Koordinazio Zientifikoko MICINN Batzordeko (2003-2007) eta Prestige petroliontziko Batzorde Zientifikoko (2002-2004) kide izan zen.[4]
Liburuak
Euskarazko produkzioaren Inguma datu-basean bere 11 ekarpen azaltzen dira horien artean bi liburu hauek:[5]
- Landare- eta animali zitologia eta histologia: ariketa praktikoak (2002) Miren Cajaraville Bereziartua eta Manuel Soto Lopez-ekin. UPV/EHU arg[6]
- Zelula I. Zelula eukariotikoaren azalpenerako testuliburua (1999) Miren Cajaraville Bereziartua-rekin UPV/EHU arg[7]
Sariak eta errekonozimenduak
- 2020an Outstanding Science Career Award saria eman zion SETAC Europako Ingurumen Toxikologia eta Kimika Elkarteak. SETAC Europe Sarien Programak gizabanakoek edo norbanako-taldeek ingurumen-zientziei egindako ekarpen nabarmenak aintzatesten ditu. Programa horren sari nagusiak zientzialari baten karrera ezohikoa saritzea du helburu, Noack Laboratorioen konpaniak basbetua.[8][9]
- 2005-2009 saria jaso zuen Boletín de Impacto Marina aldizkarian
- 2007-2010 saria jaso zuen Consumo Ambiental aldizkarian.
- Nazioarteko 30 aldizkari baino gehiagoren ohiko ikuskatzaile gisa aritzen da.
- Espainiako, Portugalgo, Erresuma Batuko eta Argentinako ikerketa-agentzien eta ERC eta fundazioen ebaluatzailea da.
Erreferentziak
- ↑ Orzaiz, Ion. ««COVID-19ari buruzkoa kenduta, zientzia ikerketa etenda egon da»» Berria (Noiz kontsultatua: 2020-05-29).
- ↑ (Gaztelaniaz) History – PIE | Plentziako Itsas Estazioa – Estación Marina de Plentzia. (Noiz kontsultatua: 2020-05-29).
- ↑ «preview - Zientzia eta Teknologia Fakultatea - UPV/EHU» Zientzia eta Teknologia Fakultatea (Noiz kontsultatua: 2020-05-29).
- ↑ Sarasua Arabaolaza, Irati. ««'Prestige'-ren hondoratzea aurreikus zitekeen; ez zen kasualitatea izan»» Berria (Noiz kontsultatua: 2020-05-29).
- ↑ «Jonan Marigomez Allende :: Inguma - Euskal komunitate zientifikoaren datu-basea» www.inguma.eus (Noiz kontsultatua: 2020-05-29).
- ↑ Miren Cajaraville Bereziartua, Jonan Marigomez Allende, Manuel Soto Lopez. (). Landare eta animali zitologia eta histologia : ariketa praktikoak : biologi ikasketen ikasleentzako praktiketarako gidaliburua. Euskal Herriko Unibertsitateko Argitalpen Zerbitzua = Servicio Editorial de la Universidad del País Vasco ISBN 84-8373-340-4. PMC 863164376. (Noiz kontsultatua: 2020-05-29).
- ↑ Miren Cajaraville Bereziartua, Jonan Marigomez Allende. (). Zelula : zelula eukariotikoaren azalpenerako testuliburua. Udako Euskal Unibertsitatea ISBN 84-86967-99-6. PMC 52408612. (Noiz kontsultatua: 2020-05-29).
- ↑ «Ionan Marigómez, Europako Ingurumen Toxikologia eta Kimikako Elkarteak (SETAC-Europe) saritua - Info» UPV/EHU (Noiz kontsultatua: 2020-06-01).
- ↑ SETAC. (2020). 2020 Europe Award Winners.. The Society of Environmental Toxicology and Chemistry (SETAC).
Ikus, gainera
Kanpo estekak
- (Ingelesez) Plentziako Itsas Estazioa. Webgune ofiziala
- (Ingelesez) MER+ EMJMD. Marine Environment, Erasmus Mundus Joint Master Degree
- (Ingelesez) SETAC. (2020). 2020 Europe Award Winners. The Society of Environmental Toxicology and Chemistry (SETAC).
- Ionan Marigomez. Scopus datu basean, 140 argitalpen, 4100 aipamen.
- Impacto del vertido del Prestige 10 años más tardeIonan Marigomez. Zientziateka 2012
- UPV/EHUko Zientzia eta Teknologia Fakultatea
Datuak: Q42837362
Multimedia: Ionan Marigomez / Q42837362