Jacques Henri Lartigue
Jacques Henri Lartigue | |
---|---|
![]() ![]() | |
Bizitza | |
Jaiotzako izen-deiturak | Jacques Henry Charles Auguste Lartigue |
Jaiotza | Courbevoie, 1894ko ekainaren 13a |
Herrialdea | ![]() |
Heriotza | Niza, 1986ko irailaren 12a (92 urte) |
Familia | |
Seme-alabak | ikusi
|
Hezkuntza | |
Heziketa | Académie Julian (en) ![]() |
Hizkuntzak | frantsesa |
Jarduerak | |
Jarduerak | margolaria eta argazkilaria |
Parte-hartzailea | |
Genero artistikoa | erretratua |
![]() ![]() |
Jacques Henri Lartigue (Courbevoie, Frantzia, 1894ko ekainaren 13a - Niza, Frantzia, 1986ko irailaren 12a) frantses argazkilaria izan zen.
Biografia
Zazpi urte zituela hasi zen argazkilaritzan, argazkizale porrokatua zuen aitak argazki-kamera bat oparitu zionean. Familia aberatseko semea zen; Belle Epoque garaiko glamour dotorea ezagutu zuen bere inguruan, eta inork baino hobeto betikotu zuen ingurune sofistikatu hura. Geroago mugitzen ziren gauzek erakarri zuten, batez ere lasterketetako automobilek, eta hegazkintzaren lehen saioak islatu zituen bere lanetan.
Antzerkiarekin eta zinemagintzarekin loturiko lanak egiteaz gainera, margolaria ere izan zen Lartigue, eta, besteak beste, Marlene Dietrich eta Greta Garboren erretratuak pintatu zituen. 1963an, New Yorkeko Arte Modernoaren Museoak Lartigueren erakusketa handi bat eskaini zuen, eta 1980an Bonjour, monsieur Lartigue izeneko atzera begirako erakusketa antolatu zen Parisko Grand Palaisen.
Lartigueren lanen artean aipagarriak dira: zuri-beltzean egindako "Frantziako Automobil Klub-aren Sari Nagusiko lehiakidea" (1912), "Argazkiak zigarro eta guzti" (1927) eta "Modaren argazkia" (1980).
Erreferentziak
Wikimedia Commonsen badira fitxategi gehiago, gai hau dutenak: Jacques Henri Lartigue ![]() |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q382329
Multimedia: Jacques-Henri Lartigue / Q382329