Khyber ataka
Khyber ataka | |
---|---|
![]() | |
Datu orokorrak | |
Garaiera | 1.072 m |
Mota | rail mountain pass (en) ![]() |
Geografia | |
![]() | |
Koordenatuak | 34°06′36″N 71°06′42″E / 34.11°N 71.1117°E / 34.11; 71.1117 |
Mendikatea | Safed Koh |
Estatu burujabe | ![]() |
Province of Pakistan | ![]() |
Khyber ataka[1] (urduz: درۂ خیبر; persieraz: تنگه خیبر) Safed Koh eta Kachmund mendiak (Hindu Kush mendilerroaren hego-ekialdea) zeharkatzen dituen haitzartea da. 58 kilometro luze da eta toki estuenean 15,85 m zabal. Afganistan eta Pakistanen arteko igarobide garrantzitsuenetako bat da, Jalalabad eta Kabul hiriak Peshawar-ekin lotzen baititu. Gaur egun Pakistanen esku dago.
1879an errepide bat egin zen Khyber atakan zehar, eta 1925ean trenbidea. Azken hau eraikitzea lan gaitza izan zen: 34 tunel eta 92 zubi egin behar izan ziren eta 2 milioi libera esterlina baino gehiago kostatu zen. Igarobidearen hasiera Jamrudeko gotorlekuan (517 m) dago, Peshawarretik 18 km mendebaldera, eta Landi Kotal (1067 m) da punturik garaiena. Handik 8 kilometrora Torkham hiria dago, Pakistan eta Afganistanen arteko mugan.
Leku estrategikoa izan da historian zehar. Hemendik igaro ziren iparraldetik edo mendebaldetik Indiako azpikontinentea inbaditzera zihoazen gehienak: pertsiarrak, greziarrak, mongoldarrak eta britainiarrak.
Erreferentziak
- ↑ Euskaltzaindia. (2012-06-29). 171. araua: Asiako toponimia. (Noiz kontsultatua: 2013-02-11).
Kanpo estekak
Datuak: Q191333
Multimedia: Khyber Pass / Q191333
![]() ![]() | Artikulu hau Pakistango geografiari buruzko zirriborroa da. Wikipedia lagun dezakezu edukia osatuz. |