Konstantinos Mitsotakis
Konstantinos Mitsotakis | |||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() (2008) ![]() | |||||||||||||||||||||||||||
1992ko apirilaren 14a - 1992ko abuztuaren 7a ← Antonis Samaras - Michalis Papakonstantinou (en) ![]()
1990eko apirilaren 11 - 1993ko urriaren 13a ← Xenofon Zolotas - Andreas Papandreu →
1984ko irailaren 1a - 1989ko urriaren 12a ← Evangelos Averoff (en) ![]()
1980ko maiatzaren 10a - 1981eko urriaren 21a ← Georgios Rallis - Ioannis Charalambopoulos (en) ![]()
1978ko maiatzaren 10a - 1980ko maiatzaren 10a ← Panagis Papaligoúras (en) ![]() ![]()
1978ko maiatzaren 10a - 1980ko maiatzaren 10a ← Georgios Rallis
1977 - 2004 Barrutia: Chania (en) ![]() ![]() ![]()
1965eko irailaren 17a - 1966ko abenduaren 22a ← Dimitrios Papaspyrou (en) ![]()
1965eko uztailaren 16a - 1965eko abuztuaren 20a ← Georgios Mavros (en) ![]() ![]()
1964ko otsailaren 19a - 1965eko uztailaren 15a - Stylianos Allamanis (en) ![]()
1963ko azaroaren 8a - 1963ko abenduaren 31 ← Nikolaos Gazis (en) ![]()
1951ko otsailaren 1a - 1951ko urriaren 27a ← Ioannis Giannopoulos (en) ![]() ![]()
1946 - 1967 Barrutia: Chania (en) ![]() | |||||||||||||||||||||||||||
Bizitza | |||||||||||||||||||||||||||
Jaiotza | Kanea, 1918ko urriaren 18a | ||||||||||||||||||||||||||
Herrialdea | ![]() | ||||||||||||||||||||||||||
Lehen hizkuntza | greziera | ||||||||||||||||||||||||||
Heriotza | Atenas, 2017ko maiatzaren 29a (98 urte) | ||||||||||||||||||||||||||
Familia | |||||||||||||||||||||||||||
Aita | Kyriakos Κ. Mitsotakis | ||||||||||||||||||||||||||
Ama | Stavroula Ploumidakis | ||||||||||||||||||||||||||
Ezkontidea(k) | Marika Mitsotakis (en) ![]() | ||||||||||||||||||||||||||
Seme-alabak | ikusi
| ||||||||||||||||||||||||||
Anai-arrebak | ikusi
| ||||||||||||||||||||||||||
Leinua | Mitsotakis family (en) ![]() | ||||||||||||||||||||||||||
Hezkuntza | |||||||||||||||||||||||||||
Heziketa | National and Kapodistrian University of Athens (en) ![]() | ||||||||||||||||||||||||||
Hizkuntzak | greziera modernoa greziera | ||||||||||||||||||||||||||
Jarduerak | |||||||||||||||||||||||||||
Jarduerak | politikaria, diplomazialaria eta abokatua | ||||||||||||||||||||||||||
Jasotako sariak | ikusi
| ||||||||||||||||||||||||||
Kidetza | Friends of Music Society (en) ![]() | ||||||||||||||||||||||||||
Sinesmenak eta ideologia | |||||||||||||||||||||||||||
Alderdi politikoa | ![]() ![]() ![]() ![]() ![]() ![]() Party of New Liberals (en) ![]() | ||||||||||||||||||||||||||
![]() ![]() ![]() ![]() ![]() ![]() ![]() | |||||||||||||||||||||||||||
![]() |
Konstantinos Mitsotakis (Kanea, Kreta, 1918ko urriaren 18 – Atenas, 2017ko maiatzaren 29a) greziar politikaria izan zen. Greziako lehen ministroa izan zen 1990-1993 bitartean.
Bizitza
Legelari- eta politikari-familia batean hazitakoa izan zen. Zuzenbideko, Politika Zientzietako eta Ekonomiako ikasketak egin zituen Atenasko Unibertsitatean. Bigarren Mundu Gerran, Kreta alemanen mendean zegoela, greziar erresistentziaren indarrak batzen lagundu zuen. 1946an, diputatu hautatu zuten; 1951n, Ekonomiako ministrorde; eta geroago, Sofoklis Venizelos-en gobernuan, Garraio eta Herri Lanetako ministro. 1958an, Alderdi Liberalak hauteskundeetan izan zuen porrotaren ondorioz, Mitsotakis hautatu zuten alderdiko buru, Sofoklis Venizelosen ordez. Garai hartan, Alderdi Liberalaren gainbeherak eraginda, beste alderdi bat sortu zen, Center Union (Zentro Batasuna), Georgios Papandreu, Konstantinos Mitsotakis eta Alexandros Baltasisen gidaritzapean. 1964ko hauteskundeetan, Zentro Batasuna izan zen garaile, eta Mitsotakis Finantzetako ministro izendatu zuten. Hala ere, Mitsotakisek Giorgios Papandreuren eskuineko esku izateari utzi zion, honen seme Andreas, Estatu Batuetan 21 urtez egon ondoren, Greziara itzuli zenean. 1965ean, Mitsotakisek Zentro Batasuna utzi zuen Parlamentuko kide batzuekin batera. Gertaera horrek kolokan jarri zuen Greziako politika, eta egonkortasun-falta horrek koronelen diktadura militarra ekarri zuen gero.
Koronelen kolpearen ondoren, Mitsotakis Turkiara joan zen ihes, eta Europara gero. Militarrek haren familia hartu zuten itzultzera behartzeko, baina hura Parisen geratu zen, sei urtez. 1973an itzuli zen, Gerra Legea kendu orduko; erregimen militarra erori baino pixka bat lehenago, kartzelan sartu zuten, zortzi hilabetez. 1977an, legebiltzarkide hautatu zuten, eta Alderdi Liberal Berria (New Liberal) sortu zuen. Urtebete geroago, Konstantinos Karamanlisen Demokrazia Berriarekin bat egin zuen. Rallis-en gobernuan Kanpo Arazoetako ministro izan zen. 1984an, Demokrazia Berriaren (New Democracy) presidentetza eskuratu zuen, Greziako Alderdi Kontserbadore nagusi bihurtuta. 1985eko hauteskundeetan gutxigatik ez zuen gehiengoa lortu, eta koalizioko gobernua eratu zen, kontserbadoreen eta komunisten artekoa. 1990ean, gehiengo absolutua lortu zuen Eraberritze Demokratikoko alderdiaren laguntzaz, baina 1993an galdu zuen, Alderdi Sozialistaren mesedetan.
2004an, Mitsotakisek Parlamentutik erretiratzeko nahia adierazi zuen, lehen aldiz hautatu zutenetik 56 igaro ondoren. Haren seme Kyriakos Mitsotakis Parlamentuko kide da, eta baita haren alaba Dora Bakoyannis ere, biak ere New Democracy alderditik.
Mitsotakis, politikatik kanpo, antigoaleko objektuen bilduma egitearen zale amorratua zen. Objektu horien bilduma ederra Greziako gobernuari eman zion dohaintzan. 2007ko urtarrilean, Mitsotakisek by-pass bikoitza ezartzeko ebakuntza izan zuen Atenasko Onassio ospitalean.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
Datuak: Q312013
Multimedia: Constantine Mitsotakis / Q312013