Kris Jenner
Kris Jenner | |
---|---|
![]() (2014) ![]() | |
Bizitza | |
Jaiotzako izen-deiturak | Kristen Mary Houghton |
Jaiotza | San Diego, 1955eko azaroaren 5a (68 urte) |
Herrialdea | ![]() |
Talde etnikoa | Dutch Americans (en) ![]() anglo-estatubatuarra Irish Americans (en) ![]() Scottish Americans (en) ![]() |
Lehen hizkuntza | ingelesa |
Familia | |
Aita | Robert True Houghton |
Ama | Mary Jo Campbell |
Ezkontidea(k) | Robert Kardashian (1978ko uztailaren 8a - 1991ko martxoa) Caitlyn Jenner (1991ko apirilaren 21a - 2015eko martxoaren 30a) |
Bikotekidea(k) | ikusi
|
Seme-alabak | ikusi
|
Anai-arrebak | ikusi
|
Leinua | Kardashian-Jenner family (en) ![]() |
Hezkuntza | |
Heziketa | Clairemont High School (en) ![]() |
Hizkuntzak | ingelesa |
Jarduerak | |
Jarduerak | Socialitea, aktorea, telebista-ekoizlea, autorea, hegazkineko laguntzailea, telebista aurkezlea eta pertsona ospetsua |
Altuera | 66 hazbete |
Lan nabarmenak | ikusi
|
Jasotako sariak | ikusi
|
![]() ![]() ![]() ![]() ![]() ![]() ![]() |
Kristen Mary Jenner, Kris Jenner bezala ezagunagoa eta aurretik Kris Kardashian izenaz ezaguna (ezkongabea denetik, Houghton; San Diego, Kalifornia, 1955eko azaroaren 5a) telebistako pertsona ospetsua eta enpresaburu estatubatuarra da. Robert Kardashianekin ezkondu zen, eta harekin lau seme-alaba izan zituen. 1990ean dibortziatu ziren.[1] 1992tik 2014ra Caitlyn Jennerrekin ezkonduta egon zen, eta harekin bi alaba izan zituen. 2007tik 2021era bitartean, rol protagonikoa izan zuen Keeping Up with the Kardashiansprograman, bere familiaren bizitza erakusten duen reality showa. Bere elkarrizketa-programa ere izan zuen, Kris (2013).
Biografia
Gaztaroa eta lehen ezkontza
Kristen Robert Houghtonen (1931-1975) eta Mary Jo Campbellen (1934-) lehen alaba izan zen. University Cityn hazi zen, San Diegoko auzo batean, eta Clairemont High Schoolen ikasi zuen. Bi ahizpa ditu, Karen eta Sarah. Kris Robert Kardashian abokatuarekin (zeina O. J. Simpsonen kasuan ezagun egin zen, harreman estua baitzuten) ezkonduta egon zen 1978tik 1990era, eta harekin lau seme-alaba izan zituen: Kourtney Mary (1979), Kimberly Noel (1980), Khloé Alexandra (1984) eta Robert Arthur (1987). Senar-emazte arteko arazoak zirela eta, Krisek dibortzioa eskatu zion 1989an. Robert Kardashian 2003ko irailaren 30ean hil zen.[2]
Kris familiako kideez arduratzen da: BG5 edo The Beach Girl bandaren kudeatzailetako bat da.[3]Keeping Up with the Kardashians reality showaren ekoizle eragilea eta protagonista izateagatik da ospetsua.
Bigarren ezkontza
Kris eta Bruce Jenner (gaur egun Caitlyn Jenner) 1991ko apirilaren 21ean ezkondu ziren. Krisek bi alaba ditu Caitlynekin: Kendall Nicole (1995) eta Kylie Kristen (1997). Caitlynekin ezkonduta egon zen denboran, haren lau seme-alaben (Brandon, Brody, Burton eta Cassandra) amaordea izan zen. 2014ko irailean jakinarazi zen bikotea bere dibortzioa izapidetzen ari zela, baina ezkontza-aurreko ondasunen banatze akordiorik ez zutenez, 60 milioi dolarreko dirutza bi aldeen artean banatuko zen.[4]Kris Jennerrek dibortzio-demanda bat jarri zuen, gainditu ezin zituzten desberdintasunak zirela medio, eta hilabete batzuk geroago Caitlynek pertsona transa zela, trantsizio prozesua abiaratuko zuela eta bere izena Caitlyn Jenner zela (eta dela) adierazi zuen.
Ezkongai-harremana
Kris Houghtonen bikotea Corey Gamble da 2015az geroztik.
Bilobak
- 2009ko abenduaren 14an jaio zen lehen biloba, Kourtney eta Scott Disicken semea, Mason Dash Disick izeneko haurra.
- 2012ko uztailaren 8an Penelope Scotland Disick izeneko bigarren biloba jaio zen, Kourtney eta Scotten bigarren alaba.
- 2013ko ekainaren 15ean, North West izeneko hirugarren biloba jaio zen, Kim eta Kanye Westen lehen alaba.
- 2014ko abenduaren 14an laugarren biloba jaio zen, Reign Aston Disick, Kourtney eta Scotten hirugarren semea.
- 2015eko abenduaren 5ean, Saint West deituriko bosgarren biloba jaio zen, Kim eta Kanyeren bigarren semea.
- 2016ko azaroaren 10ean jaio zen seigarren biloba, Dream Reneé Kardashian, Rob eta Blac Chynaren lehen alaba eta bakarra.
- 2018ko urtarrilaren 15ean jaio zen zazpigarren biloba, Chicago West, Kim eta Kanyeren hirugarren alaba.
- 2018ko otsailaren 1ean, bere zortzigarren biloba jaio zen, Stormi Webster, Kylie eta Travis Scotten lehen alaba.
- 2018ko apirilaren 12an, bere bederatzigarren biloba jaio zen, True Thompson, Khloe eta Tristan Thompsonen lehen alaba.
- 2019ko maiatzaren 9an jaio zen bere hamargarren biloba, Psalm West, Kim eta Kanyeren laugarren semea.
- 2022ko otsailaren 2an jaio zen lehen biloba, Aire Webster, Kylieren eta Travisen bigarren semea.[5]
- 2022ko uztailaren 28an bere hamabigarren biloba jaio zen, Khloe eta Tristanen bigarren semea.[6]
Filmografia
- Keeping Up with the Kardashians (2007-2021)
- Celebrity Family Feud (2008)
- Chelsea Lately (2009)
- Irene Cooking with the Stars (2009)
- Kourtney and Khloé Take Miami (2010)
- Kourtney and Kim Take New York (2011-2012)
- Khloé & Lamar (2011-2012)
- E! True Hollywood Story[7]
- Kourtney and Kim Take Miami (2013)
- Kris (2013)
- Kourtney and Khloé Take The Hamptons (2014-2015)
- Dash Dolls (2015)
- Kocktails with Khloé (2016)
- Life of Kylie (2017)
- The Kardashians (2022)
Erreferentziak
- ↑ The Kardashians to be Featured on E! True Hollywood Story. 2008-03-28.
- ↑ «Robert Kardashian, a Lawyer For O. J. Simpson, Dies at 59» The New York Times 2003-10-02.
- ↑ The Beach Girl 5 New Manager??. 2010-09-26.
- ↑ Kris y Bruce Jenner se divorcian de mutuo acuerdo. .
- ↑ Kylie Jenner anuncia el nacimiento de su segundo hijo junto a Travis Scott. 2022-02-07.
- ↑ «Khloé Kardashian presenta a su bebé, que se gestó en un vientre de alquiler, y revela detalles del nacimiento y la infidelidad de Tristan Thompson» CNN 2022-09-22.
- ↑ Kris Kardashian Info. .
Kanpo estekak
Datuak: Q1138235
Multimedia: Kris Jenner / Q1138235