Lehen Hezkuntzako eskola
![](http://upload.wikimedia.org/wikipedia/commons/thumb/e/ea/Head%2C_Shoulders%2C_Knees_and_Toes.jpg/250px-Head%2C_Shoulders%2C_Knees_and_Toes.jpg)
Lehen hezkuntza, lehen hezkuntzako eskola edo oinarrizko eskola Europan normalean sei urtetik hamabi urte bitarteko haurrentzako eskola da, eta bertan umeek lehen hezkuntza edo oinarrizko hezkuntza jasotzen dute. Normalean, haur eskola edo eskolaurrearen ondoren dator, eta bigarren hezkuntza baino lehen.
Lehen Hezkuntzak bermatzen du ikasleak behar bezala alfabetatzen direla, hau da, irakurtzen, idazten, oinarrizko kalkulua egiten eta ezinbestekotzat jotzen diren kultura-kontzeptuetako batzuk, oinarrizko gaitasunak eta funtsezko gaitasunak izenekoak, irakasten ditu.
Lehen hezkuntza sei urtekoa da, 6 urtetik 12 urtera bitartekoa, herrialde bakoitzaren arabera. Aurreko etapa Haur Hezkuntza da. Herrialde gehienetan derrigorrezko irakaskuntza da, eta eskoletan edo ikastetxeetan ematen da.
Lehen Hezkuntzako kurtsoak Espainian
Lehenengo ziklo
Lehenengo zikloan Haur Hezkuntzatik sartzen dira.
- LHko 1.a: 6-7 urte
- LHko 2.a: 7-8 urte
Bigarren zikloa
- LHko 3.a: 8-9 urte
- LHko 4.a: 9-10 urte
- LHko 5.a: 10-11 urte
- LHko 6.a: 11-12 urte
Ondoren ikasleek Derrigorrezko Bigarren Hezkuntza hasten dute.
Lehen Hezkuntzako kurtsoak Frantzian
Ama eskola
Hiru urte irauten du, eta honela banatzen da: Txikia, Ertaina eta Handia. Haurrak 3 urterekin sartzen dira eta 5-6 urterekin irteten dira. Han garatzen dituzte beren funtsezko ahalmenak, hizkuntza hobetzen dute eta idazketaren unibertsoa, zenbakiak eta beste ikaskuntza-esparru batzuk aurkitzen hasten dira.
Lehen hezkuntza
Lehen hezkuntzako eskolak 5 urte irauten du eta 6 eta 10-11 urte bitarteko ikasleak eskolatzen ditu. Prestakuntza-urtea (PK), oinarrizko lehena (CE1), oinarrizko bigarrena (CE2), lehenengo erdia (CM1) eta bigarren erdia (CM2) hartzen ditu. Horietan zehar, ikaslea oinarrizko zazpi ikasgaitan trebatzen da: Frantsesa, Matematika, Zientzia eta Teknologia, Geografia eta Historia, Gizabidezko Hezkuntza, Hezkuntza artistikoa eta Gorputz eta kirol hezkuntza.[1]
Ondoren, ikasleak Bigarren ikaskuntzan sartzen dira.
Erreferentziak
- ↑ https://web.archive.org/web/20230622145930/https://latiendafrancesa.mx/el-sistema-educativo-frances/
Kanpo estekak
Datuak: Q9842
Multimedia: Primary education / Q9842