Marie-Andrée Ouret
Marie-Andrée Ouret | |
---|---|
Bizitza | |
Jaiotza | Suhuskune, 1970eko uztailaren 17a (54 urte) |
Herrialdea | ![]() |
Hezkuntza | |
Hizkuntzak | frantsesa euskara |
Jarduerak | |
Jarduerak | liburuzaina |
Enplegatzailea(k) | Baionako mediateka |
Kidetza | Biga Bai |
![]() |
Marie-Andree Ouret (Suhuskune, Baxenabarre, 1970eko uztailaren 17a) Nafarroa Behereko liburuzaina, euskaltzalea, eta euskaltzain urgazlea da.
Euskararen gaia eskola publikoan aitzinarazi beharrez dabil, Biga Bai elkarteko lehendakari postutik.
Ofizioz, haatik, Baionako Mediatekako langile da, eta euskal funtsen Bilketa web ataria proiektuaren eramaile. Liburutegietako euskal ondarea eskuragarri uztea izan dute xede nagusia, milaka eta milaka dokumentu elkarri josiz, atari birtual batez.[1]
Biografia
Informazio eta dokumentazioko masterra ikasi zuen Parisen (Institut d’études politiques) eta Media numerikoetako masterra ere (Parisko Unibertsitatea - VIII).[2]
Parisen bizi zela hasi zen euskara klaseak ematen Euskal Etxean, eta horrek engaiarazi zuen euskararen alde.
2010etik honat Euskal Herrian bizi da. Larresoroko (Lapurdi) eskola elebidunean sartu zituen haurrak, eta segidan Biga Bai elkartean inplikatzen hasi zen, nahi baitzuen euskarazko irakaskuntzaren gaia barnetik ezagutu. Urte baten buruko, elkarteko lehendakaria joan zen, eta Ouretek zuen hartu postua.
Bilketa proiektua
Liburuzain gisa lan egiten du Baionako Mediatekan eta hor Bilketa proiektuaren arduraduna (misio-karguduna) da.[3] Frantziako Liburutegi Nazionala inplikatuta dago proiektuan eta Euskaltzaindia proiektuaren barne dago. Euskal funtsen web atari bat sortu da sarean.[4] Baionako Hiriak garatu webgune horrek Euskal Herriari buruz edota euskaraz diren dokumentu andana bat biltzen ditu.
2022an 2.000 liburu eta eskuizkribu zeuden; 3.500 argazki, postal, txartel eta plano, kartel, grabatu; 60 egunkari eta aldizkariren 17.000 artikulu; baita 2.500 film, soinu-dokumentu…[5]
Euskal kultur erakundeak modu ezberdinez bat egin du egitasmoarekin, hala nola bitartekari lana eginez publiko zabalari buruz edo euskal kulturari buruzko formakuntza saioak antolatuz profesionalentzat. Atariaren edukian ere zuzenki parte hartu du.[3]
Argitaratutako lanak
Bere liburu aipagarrienak hauexek dira:
- Irakaskuntza elebidunaren erronka: hiztun osoak egitea (2012) Hur Gorostiaga, Arantxa Idieder, Aines Dufau, Paskal Bourgoin, Marie Andrée Ouret.[6]
- Hizkuntza politikaren erronkak. - Euskal Elkargoaren sortzea eta euskararen geroa. Euskaltzaindiaren XXI. Jagon Jardunaldia. (2018) Aines Dufau Lakaberatz, Marie-Andrée Ouret, Sebastian Castet.[7]
Euskaltzain urgazlea (2013tik)
Euskaltzaindiak euskaltzain urgazle izendatu zuen 2021eko azaroaren 26an. Azkue Bibliotekan eta Artxiboan aritu izan da 2013az geroztik.[8]
Erreferentziak
- ↑ «Marie-Andrée Ouret» EKE (Noiz kontsultatua: 2023-07-03).
- ↑ Euskaltzaindia. «Ouret, Marie-Andrée» www.euskaltzaindia.eus (Noiz kontsultatua: 2023-07-03).
- ↑ a b Barruet, Fred. (2015-05-14). «Bilketa, atari berri bat euskal funtsentzat» EKE (Noiz kontsultatua: 2023-07-03).
- ↑ www.bilketa.eus (Noiz kontsultatua: 2023-07-03).
- ↑ (Frantsesez) Mediabask. (2022-07-06). «Bilketa : immersion numérique dans les archives du Pays Basque» www.mediabask.eus (Noiz kontsultatua: 2023-07-03).
- ↑ Gorostiaga, Hur; Idieder, Arantxa; Dufau, Aines; Bourgoin, Paskal; Ouret, Marie Andrée. (2012). «Irakaskuntza elebidunaren erronka: hiztun osoak egitea» EUSKERA (57): 155–162. ISSN 0210-1564. (Noiz kontsultatua: 2019-11-23).
- ↑ Aines, Dufau; Ouret, Marie Andrée; Castet, Sebastian. (2018). Hizkuntza politikaren erronkak. - Euskal Elkargoaren sortzea eta euskararen geroa. Euskaltzaindiaren XXI. Jagon Jardunaldia. Euskaltzaindia.
- ↑ Euskaltzaindia. «Ouret, Marie-Andrée» www.euskaltzaindia.eus (Noiz kontsultatua: 2023-07-03).
Kanpo estekak
- "Marie Andrée Ouret; Ondarea, beti mugimenduan den ekaia da" Xan Aire - EKE (2015-05-12)
- Bilketa euskal funtsen web ataria
- Biga Bai burrasoen elkartea
Datuak: Q119980708