Mercedes Barranco

Mercedes Barranco
Bizitza
Jaiotzako izen-deiturak	Mercedes Barranco Font
Jaiotza	Bartzelona, 1925eko ekainaren 14a
Herrialdea	Katalunia
Heriotza	Madril, 2008ko uztailaren 5a (83 urte)
Familia
Ezkontidea(k)	José Calvo
Hezkuntza
Hizkuntzak	katalana gaztelania
Jarduerak
Jarduerak	ahots-aktorea, antzerki aktorea eta zinema aktorea

Mercedes Barranco Font (Bartzelona, Katalunia, 1925eko ekainaren 14a – Madril, 2008ko uztailaren 5a)^[1] bartzelonar aktorea eta ahots-aktorea izan zen. Batez ere Más bonita que ninguna (1965) (1967) eta Una gran señora (1959) pelikulekin egin zen ezaguna.^[1]^[2]^[3]^[4]

Ibilbidea

Antzerkian

Hamasei urte baino ez zituela egin zuen debuta oholtzan, eta, handik aurrera, interpretazio ibilbideari ekin zion; hasierako urteetan, batez ere, antzerkian jardun zuen, Jose Tamayo zuzendariaren aginduetara lan eginda. Los padres terribles (1958) bezalako muntaietan parte hartu zuen, Teatro Españolen.

Zineman

Zineman, 1953an egin zuen debuta, Javier Setóren Fantasía española filmarekin. Bere filmografiaren artean, Lucas Demareren El baile (1959), La boda (1964) edo Ana Mariscalen Vestida de novia (1966) izenburuak nabarmentzen dira.

Telebistan

Telebistan ere ibilbide oparoa izan zuen aktorea izan zen, eta TVEko espazio dramatiko ugarietan egon zen hirurogeiko eta hirurogeita hamarreko hamarkadetan, hala nola Primera fila, Estudio 1 (La vida es sueño,^[5] esaterako) edo Novela saioetan, baita Don José, Pepe y Pepito (1965) saioetan, José Bódalo eta Luis Varelarekin, José López Rubioren Cena de Navidad (1966) eta Narciso Ibáñez Serradorren ¿Es usted el asesino?.

Bikoizketan

Bere azken urteak bikoizketari eskaini zizkion, eta horrela, bere ahotsa gaztelerazko bertsioetan jarri zuen, besteak beste, Dallas telesaileko Barbara Bel Geddes aktorearen ahotsa nabarmentzen da.^[6]

Bizitza pertsonala

Jose Calvo aktorearekin egon zen ezkonduta.

Erreferentziak

↑ ^a ^b (Ingelesez) «Mercedes Barranco | Actress, Additional Crew» IMDb (Noiz kontsultatua: 2024-08-19).
↑ (Gaztelaniaz) «Mercedes Barranco» FilmAffinity (Noiz kontsultatua: 2024-08-19).
↑ (Gaztelaniaz) «Mercedes Barranco - Edad | Biografía | Películas | Noticias | Filmografía | Premios» Decine21 2024-08-15 (Noiz kontsultatua: 2024-08-19).
↑ (Gaztelaniaz) SensaCine. «Mercedes Barranco» SensaCine.com (Noiz kontsultatua: 2024-08-19).
↑ (Gaztelaniaz) Estudio 1 - La vida es sueño. 2023-06-07 (Noiz kontsultatua: 2024-08-19).
↑ «Mercedes Barranco - Ficha eldoblaje.com - Doblaje» www.eldoblaje.com (Noiz kontsultatua: 2024-08-19).