Nylon
Nylon | |
---|---|
![]() ![]() | |
Konposizioa | Nylon 6 eta Nylon 66 |
Aurkitze data | 1935 |
Mota | Poliamida |
Identifikatzaileak | |
Gmelin | 25614 |
MeSH | D009757 |
Nylona[1] poliamidaz osaturiko plastikozko edozein gai sintetiko da. Poliamida horiek molekula astunez osaturik daude, pisu molekular handikoz alegia, eta zuntz-egitura izaten dute maizenik, proteinek dutenaren antzekoa.
1935. urtean asmatu zuen nylona Wallace Carothersek zuzendutako Estatu Batuetako kimikari talde batek. Urte horretako otsailaren 28an aurkeztu zuten lehen aldiz. Naturan (airean, uretan, petrolioan zein ikatzean) diren baliabideak erabiliz, sintesi kimikoaren bidez erraz lor zitezkeen zuntz sintetikoak. Polimeroez egindako ikerketak areagotu ziren, eta berehala sortu zen produktu sintetiko horien multzo handi bat.
Nylon-mota arruntena nylon 6,6-a da; izen hori hartzen du, horren sintesia lortzeko erabiltzen diren konposatuek, azido adipikoak eta hexametileneadiaminak alegia, seina karbono atomo dituztelako. Kaprolaktamoaz egindako nylona ere sarri erabiltzen da. Konposatu horrek sei karbono-atomo dituenez, nylon-mota horrek nylon 6 izena du. Nylona erraz urtzen da, eta urtua erraz lan daiteke zuntz edo bestelako egiturak emateko, molderen baten itxura esate baterako. Nylon urtua hozten denean, gogortu eta malgutu egiten da; hori dela eta, asko erabiltzen da, besteak beste, sokak egiteko, ehungintzan eta baita jantzigintzan ere.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Euskalterm: [Arropa-dendak Hiztegia] [2009]
Kanpo estekak
Datuak: Q177941
Multimedia: Nylon / Q177941
![]() | Artikulu hau kimikari buruzko zirriborroa da. Wikipedia lagun dezakezu edukia osatuz. |