Oreka mekaniko
![](http://upload.wikimedia.org/wikipedia/commons/thumb/8/82/Stable_unstable_pendulum.svg/220px-Stable_unstable_pendulum.svg.png)
Oreka mekanikoa elkarren aurka ari diren bi gauza edo gehiagoren arteko indar-berdintasuna da; horrelako indarren eraginpean dagoen gauzaren egoera. Oreka mekanikoa da egoera egonkor bat, bi baldintza hauetako bat betetzen duena:
- sistema bat oreka mekanikoan dago sistemako partikula bakoitzaren gainean eragiten duten indarren eta momentuen batura zero denean.
- sistema bat oreka mekanikoan dago baldin eta espazioan duen posizioa energia potentzialaren gradientea zero den puntu bat bada.
Mekanikaren legeen ondorioa da orekan dagoen partikula batek ez duela azeleraziorik, ez linealik ezta biraketazkorik, jasaten, baina gerta daitekeela abiadura uniformean higitzea edo abiadura angeluar uniformean biratzea.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
Datuak: Q716915
Multimedia: Statics / Q716915