Ptolomeo II.a Filadelfoa

Ptolomeo II.a Filadelfoa
Irudi gehiago
Faraoi
Bizitza
Jaiotza	Kos, K.a. 308
Herrialdea	Antzinako Egipto
Heriotza	Alexandria, K.a. 246 (61/62 urte)
Familia
Aita	Ptolomeo I.a
Ama	Berenize I.a Egiptokoa
Ezkontidea(k)	Arsinoe I.a Arsinoe II (en)
Bikotekidea(k)	ikusi Bilistiche (en) Stratonice of Libya (en) Stratonice (en) Kleino (en) Mnesis (en)
Seme-alabak	ikusi Ptolemy III Euergetes (en) Berenize Sira Lysimachus of Egypt (en) Ptolemaios Andromachou (en)
Anai-arrebak	ikusi Ptolomeo Zerauno Meleagro I.a Mazedoniakoa Magas of Cyrene (en) Antigone (en) Lysandra (en) Theoxena of Syracuse (en) Arsinoe II (en) Ptolémaïs (en) Philotera (en) Irene (en)
Leinua	Ptolomeotar dinastia
Hezkuntza
Hizkuntzak	antzinako greziera
Jarduerak
Jarduerak	subiranoa

Ptolomeo II.a Filadelfoa (antzinako grezieraz: Πτολεμαίος Φιλάδελφος; Kos (Antzinako Grezia) K.a. 308-246) Ptolomeotar dinastiako bigarren faraoia izan zen; Egipton K.a. 285-246 denbora-tartean gobernatu zuen. Filadelfoak «Arreba maite duena» esan nahi zuen.

Biografia

Egeoko Kos irlan jaio zen eta Ptolomeo I.a Soter eta bere emazte Berenize zituen guraso. Traziako Lisimakoren alaba zen Arsinoe I.arekin ezkondu zen gazte zela. K.a. 283an aita hiltzean, hasi zen erreinatzen. Gerra-kanpaina ugariren zuzendari izan zen bere anaiorde Magas Zirenekoaren, Antiokos I. Soterren (274-271), Antigono I.a Gonatasen (267-266, 262-261) eta Antiokos II.aren (260-253) aurka; hala areagotu zuen aitarengandik jaso zuen erreinua eta aginpidea.

Ptolomeo errege malenkoniatsua izan zen, gerrarako gaitasun txikikoa, baina oso trebea diplomaziarako, eta baita zientzia eta arteen zalea eta bultzatzailea ere. Herri-lan garrantzitsuak (Nilo eta Itsaso Gorriaren arteko ubidea) bultzatu eta artea eta zientziak babestu zituen, aitak bezala. Eskuizkribuak, margoak eta animalia exotikoak bildu zituen. Dinastiako gizon aberats eta boteretsuena izan zen. Haren ondorengoa bere seme Ptolomeo III.a Evergetes izan zen.

Kanpo-politika

Oro har, Ptolomeo II.aren kanpo-politikaren azken balantzea positiboa izan zela esan daiteke, bere abilezia diplomatikoa erabilita porrot militarren ondorioak indarrik gabe uzten asmatu baitzuen. Basikoki, hiru gerrari aurre egin behar izan zien:

• Lehen Siriar Gerra (K.a. 274–271)
• Kremonidasen Gerra (K.a. 267-261)
• Bigarren Siriar Gerra (K.a. 260-253)

Barne-politika

Egipton Ptolomeo II.ak hiri berri garrantzitsuak fundatu zituen, greziar taldeekin populatu zirenak. Lanaren antolaketa tradizionala (batez ere nekazaritza) indartu zuen, ekoizpena areagotzeko. Erregeak moneta-sistema berria ere ezarri zuen. Egiptoko ekonomiak bi zutabe zituen: landa bera eta Alexandria. Ptolomeok hiritarren erlijioaz ere interesa agertu zuen. Haren merituetako bat Alexandria antzinako kultura-gune eta ikerketa-gune garrantzitsu bihurtzea izan zen. Besteak beste, Alexandriako Liburutegia eta Museoa bera hobetu zituen.

Erreferentziak

Kanpo estekak

Wikimedia Commonsen badira fitxategi gehiago, gai hau dutenak: Ptolomeo II.a Filadelfoa

• Datuak: Q39576
• Multimedia: Ptolemy II / Q39576