Pyramiden
Pyramiden Пирамида | |
---|---|
giza kokalekua | |
Plaza nagusia ![]() | |
Administrazioa | |
Herrialdea | ![]() |
Eskualdea | Svalbard |
Izen ofiziala | Pyramiden |
Jatorrizko izena | Пирамида |
Geografia | |
Koordenatuak | 78°39′22″N 16°19′30″E / 78.6561°N 16.325°E / 78.6561; 16.325 |
![]() | |
Azalera | 2 km² |
Altuera | 37 m |
Demografia | |
Biztanleria | 6 |
Dentsitatea | 3 bizt/km² |
Informazio gehigarria | |
Sorrera | 1910 |
Pyramiden (piramide, eskandinaviar hizkuntza gehienetan, errusieraz: Пирамида, Piramida) Svalbardeko (Norvegia) Spitsbergen uharteko kokalekua da, ikatz meatzaritzaren inguruan sortuta. Suediak sortua 1910ean[1], 1927an saldu zion Sobiet Batasunari. Kokaleku hau 1998an hustu zuten eta gaur egun utzita dago, azpiegitura eta eraikin gehienak oraindik bertan daudelarik.
Billefjorden fiordoaren ondoan dago kokaturik, Spitsbergen irlan, eta kokaleku ondoan dagoen piramide formadun menditik datorkio izena. Svalbardeko kokaleku nagusia, Longyearbyen 50 km-ra dago, hegoalderantz, Barentsburg 100 km-ra hego-mendebalderantz eta Ny-Ålesund ikerketa kokaleku txikia, 100 km mendebalderantz.
Historia
Pyramiden suediarrek sortu zuten 1910ean[1] eta Sobiet Batasunari saldu zioten 1927an.
Errusiar estatuko jabetza duen Arktikugol enpresa da kokalekuko jabea Barentsburgekoarekin batera. Pyramiden 1000 biztanletik gora izatera iritsi zen. 1998ko martxoaren 31an, azken ikatza atera zen meatzetik eta bertako azken biztanleak urriaren 10ean utzi zuen Pyramiden[2]. 2007ra arte, praktikan herri hustua izan da Pyramiden eta eraikin barruetan kokalekua hustu zeneko horretan diraute gauzek. Gaur egun behin betiko biztanlerik ez badu ere, turismo eta mantenketa zerbitzuetaz arduratzen diren sasoiko zenbait bizilagun izaten dira bertan.
Munduan iparralderen dauden kontzertu-pianoa, Vladimir Leninen monumentua eta igerilekua, bertan daude[3].
Iruditegia
- Pyramidengo monumentua, atzean dagoen meatzetik erauzitako azken ikatz tona ondoan duela
- Pyramidengo portua eta kokalekuari izena ematen dion mendia
- Zentral termiko zaharra
- Bigarren Mundu Gerra aurretik eraikitako barrakoiak
- Kiroldegiaren barne-ikuspegia
Erreferentziak
Ikus, gainera
Kanpo estekak
Datuak: Q845396
Multimedia: Pyramiden / Q845396