Rosalind Pitt-Rivers
Rosalind Pitt-Rivers | |
---|---|
Bizitza | |
Jaiotza | Londres, 1907ko martxoaren 4a |
Herrialdea | ![]() ![]() |
Heriotza | Hinton St Mary (en) ![]() |
Familia | |
Aita | Anthony Morton Henley |
Ama | Sylvia Laura Stanley |
Ezkontidea(k) | George Fox-Pitt-Rivers (en) ![]() |
Seme-alabak | ikusi
|
Hezkuntza | |
Heziketa | Bedford College Notting Hill and Ealing High School (en) ![]() Royal Holloway, University of London (en) ![]() |
Hizkuntzak | ingelesa |
Jarduerak | |
Jarduerak | biokimikaria eta kimikaria |
Enplegatzailea(k) | National Institute for Medical Research (en) ![]() |
Jasotako sariak | ikusi
|
Kidetza | Royal Society Royal College of Physicians |
Rosalind Pitt-Rivers[1] (Londres, 1907ko martxoaren 4a - 1990eko urtarrilaren 14a) biokimikari britainiarra zen.[2] Tiroideen Europako Elkarteko bigarren presidentea izan zen 1971n. Jean Rocheren ondorengoa izan zen eta Jack Grossek jarraitu zion postu horretan, triiodotironina (T3) hormona tiroideoaren aurkikuntzarekin hertsiki lotutako hiru izenak.[3][4]
Hezkuntza eta lehen garaiak
Pitt-Rivers "Rosalind Venetia Henley" izenarekin jaio zen 1907ko martxoaren 4an Londresen. Anthony Morton Henleyren (1873-1925), 5th Royal Irish Lancers-eko kapitaina, eta bere emaztea Sylvia Laura Stanleyren (1882-1980) lau alabetatik zaharrena izan zen.[5] Bere aita Anthony Henleyren, 3. Henley baroia, hirugarren semea izan zen,[6] eta ama, Edward Stanleyren, Alderleyko 4. Stanley baroiaren alaba.[2]
Hasiera batean etxean hezi zen eta geroago Notting Hill & Ealing High School-en, hamahiru urte zituela. Kimikarekiko interesa hamabi urterekin sortu zitzaion, osaba batek kimikako set bat oparitu zionean.[1] Geroago, Londresko Bedford Collegen ikasi zuen, non 1930ean Zientzietako lizentziatura eman zioten, lehen mailako ohoreekin, eta 1931. urtean maisutza.[2][7]
Bizitza pertsonala
1931. urtean George Pitt-Rivers (1890-1966) antropologo eta eugenista eta Augustus Pitt Riversen (1827-1900) bilobarekin ezkondu zen bigarren emazte gisa. Honek bere izena daraman antropologia museoa sortu zuen Oxforden. Senarraren lehen ezkontzako bi haurren amaorde bihurtu zen, Michael eta Julian. Seme bat erditu zuen, Anthony, 1932an, baina ezkontza 1937an desegin zen.[2][7][8]
Ezkonduta zegoela, senarra gero eta pro-eugenista eta antisemita sutsuagoa bihurtu zen, eugenista alemaniarrengana hurbildu eta Mussolini eta Hitler goraipatu zituen. 1940an Londresko Dorrean barneratu zuten.[9]
Karrera
1937an Pitt-Riversetik banandu ondoren, ikastera itzuli eta UCLko Medikuntza Eskolako Biokimikako doktoretza lortu zuen 1939an.[10]
Mill Hill-en, Londresen, Ikerketa Medikoko Institutu Nazionaleko (NIMR) zientzialariekin bat egin zuen 1942an. Hau Erresuma Batuko Ikerketa Medikoko Kontseiluko (MRC) instituturik handiena zen. Geroago, Kimika Dibisioko zuzendari izan zen eta 1972an erretiroa hartu zuen.[11]
Rosalindek Jack Grossi T3 hormona aurkitzen lagundu eta 1952an The Lancet-en bere aurkikuntzak argitaratu ondoren,[12] nazioarteko errekonozimendua lortu zuen.[2] Royal Societyko (FRS) kide hautatu zuten 1954an.[1] 1973an Londresko Bedford College-ko kide izendatu zuten, 1983an Royal Society of Medicine-ko ohorezko kide eta 1986an Royal College of Physicians-eko ohorezko kide izan zen.[2]
Besteak beste, Jamshed Tatarekin batera The Thyroid Hormones (1959) eta The Chemistry of Thyroid Diseases (1960) argitaratu zituen, eta W. R. Trotterekin The Thyroid Gland (1964).[2][13]
Erreferentziak
- ↑ a b c (Ingelesez) Tata, Jamshed Rustom. (1994-02). «Rosalind Venetia Pitt-Rivers, 4 March 1907 - 14 January 1990» Biographical Memoirs of Fellows of the Royal Society 39: 325–348. doi:10.1098/rsbm.1994.0019. ISSN 0080-4606. (Noiz kontsultatua: 2024-04-26).
- ↑ a b c d e f g (Ingelesez) «Rivers, Rosalind Venetia Lane Fox Pitt- [née Rosalind Venetia Henley (1907–1990), biochemist»] Oxford Dictionary of National Biography doi:10.1093/ref:odnb/9780198614128.001.0001/odnb-9780198614128-e-57570. (Noiz kontsultatua: 2024-04-26).
- ↑ «European Thyroid Association - Milestones - Rosalind Venetia Pitt-Rivers (1907 - 1990)» web.archive.org 2015-09-24 (Noiz kontsultatua: 2024-04-26).
- ↑ (Gaztelaniaz) Stadler, Marta Macho. (2017-03-04). «Rosalind Pitt-Rivers, bioquímica» Mujeres con ciencia (Noiz kontsultatua: 2024-04-26).
- ↑ ««Rosalind Venetia Henley (Person Page – 5631)»» thepeerage.com (Noiz kontsultatua: 2024-04-26).
- ↑ Burke's Peerage & baronetage. Crans, Switzerland : Burke's Peerage (Genealogical Books) 1999 ISBN 978-2-940085-02-6. (Noiz kontsultatua: 2024-04-26).
- ↑ a b (Ingelesez) Haines, Catherine M. C.. (2001-11-20). «Pitt-Rivers, Rosalind Venetia». International Women in Science: A Biographical Dictionary to 1950. Bloomsbury Academic ISBN 978-1-57607-090-1. (Noiz kontsultatua: 2024-04-26).
- ↑ Hart, Bradley W.. (2015). George Pitt-Rivers and the Nazis. London : Bloomsbury Academic, an imprint of Bloomsbury Publishing Plc ISBN 978-1-4725-6995-0. (Noiz kontsultatua: 2024-04-26).
- ↑ Hart, Bradley W.. (2015). George Pitt-Rivers and the Nazis. London : Bloomsbury Academic, an imprint of Bloomsbury Publishing Plc ISBN 978-1-4725-6995-0. (Noiz kontsultatua: 2024-04-26).
- ↑ (Ingelesez) Garrick, Sir Ronald, (born 21 Aug. 1940), Deputy Chairman, HBOS plc, 2003–09 (Director, 2001–09). ««PITT-RIVERS, Dr Rosalind Venetia»» WHO'S WHO & WHO WAS WHO doi:10.1093/ww/9780199540884.001.0001/ww-9780199540884-e-16813. (Noiz kontsultatua: 2024-04-26).
- ↑ Medical Research Council Annual Report 1972-1973.. 129: HMSO. 1973. ISBN 0102355738...
- ↑ Gross, J.; Pitt-Rivers, R.. (1952). «The Identification of 3:5:3'-L-Triiodothyronine in Human Plasma».. The Lancet 259 (6705): 439. ISBN 10.1016/S0140-6736(52)91952-1..
- ↑ (Gaztelaniaz) «The chemistry of thyroid diseases | WorldCat.org» search.worldcat.org (Noiz kontsultatua: 2024-04-26).
Kanpo estekak
Datuak: Q3442237