Sandaili leizea

Sandaili leizea
Irudi gehiago
Kokapena

Herrialdea	Euskal Herria
Probintzia	Gipuzkoa
Udalerria	Oñati

Koordenatuak	43°00′N 2°26′W / 43°N 2.44°W / 43; -2.44

Sandaili leizea Gipuzkoako Oñati udalerriko Araotz auzoan dagoen harpe bat da. Arantzazuko Santutegira doan errepidean Araotzeko bidea hartu eta Orkatzategi mendiko horman ikus daiteke, Araotzeko urtegiaren parean. Koba arkeologia ondarea da, Monumentu Multzoa kategoriaduna eta babes mota, inbentariatuta^[1]. Inguru hau eskalada zaletuen ohiko lekua da.

Ohiturak

Leizearen barnean izen berdineko Sandaili baseliza dago. Leizeari eta ermitari lotutako tradizioen artean, bertako ura miraritsua delako ustea dago, eta bereziki haur txikiei on egiten diela^[2].

Harperako eskilaretan dago ur miraritsuaren aska, ez iturri batek hornitua, baizik eta goitik itoginek estalagmiten eran elikatzen dutena, tantaka, etengabe. Ur horren erabilpena ugalkortasunarekin lotzen da alegia popularretan. Umeak izan aurretik, hatzamar bat edo bi sartu behar direla (ume bat edo bi eskatzeko); edo ipurdia sartu behar dela askan. Baita haur jaioberriari osasuna opa izateko, umea osorik askan sartu behar ote den. Horien arrastoren bat bada 21. mendean; haurren arropak uretan busti, eta baseliza barruan utzi dituztenak badira^[2].

Harpean barneratuz.
Ur miraritsuaren uraska.
Itoginak, ura dariela.

Ondare naturala

Sandailin aurki daitekeen faunan, Ptyonoprogne rupestris edo haitz-enara, Araotzen Sandaili-txoria izendatzen dutena^[2].

Erreferentziak

↑ «Cueva de Sandali/ San Eliaseko haitzulo. Ondarea. Euskal Ondare Kulturalaren Informazio Sistemaren hasiera orria» www.euskadi.eus (Noiz kontsultatua: 2020-05-20).
↑ ^a ^b ^c Urkia, Jose Angel; Fernandez, Luistxo. «Araotz eta Oñatiko beste auzo batzuetan» Eibar.ORG | Eibarko peoria (Noiz kontsultatua: 2021-10-02).

Kanpo estekak

(Gaztelaniaz):Sandailiri buruzko erreportaia.
(Gaztelaniaz):SALEGI, I.L.. 2014.La ermita de Sandaili tal vez aún guarda las aguas de la fertilidad Alto Deva. Diario Vasco. 2014-08-07