Santo Domingoko aldapa
Santo Domingoko aldapa | |
---|---|
![]() Santo Domingoko aldaparen amaiera, jada Iruñeko udal plazarekin bat egiten dun gunean. | |
Kokapena | |
Herrialdea | ![]() |
Probintzia | ![]() |
Udalerria | Iruñea |
Koordenatuak | 42°49′09″N 1°38′45″W / 42.81926°N 1.64574°W / 42.81926; -1.64574 |
![]() | |
Arkitektura | |
Santo Domingoko aldapa Iruñeko Alde Zaharreko kale aski ezagun bat da.
Kokapena
Santo Domingoko aldapa berez Arrotxapea zubian hasten da, handik Arga ibaia eta Iruñeko harresiak albo banata dituen malda zuzen batean goruntz doa, eskuinera bihurgune bat egin (Zezendegiak, Nafarroako Museoa eta Nafarroako errege-erreginen jauregiaren artean) eta jada zuzenean Iruñeko Alde Zaharrean barneratzen delarik, Iruñeko udaletxearen plazan amaituz. Santo Domingoko aldapak denera 270 metroko luzera du.
Aldapa honen hasiera Iruñeko harresietako igogailua dago, bere bidez Arrotxapea auzoa eta Iruñeko Alde Zaharraren arteko malda nahiz Santo Domingoko aldapa saiesten delarik.
San Ferminak
Mundu guztian Iruñeko entzierroaren abiapuntua izateagatik ospetsu bilakatu da, San Fermin jaietan bertako zezendegitik goizaldeko 8:00ak puntu-puntuan zezenak nahiz lasterkariak abiatzen direlarik.
Egunero-egunero uztailaren 7tik 14ra arte Iruñeko entzierroak hasi aurretik lasterkariek Santo Domingoko aldapako San Fermin santuaren irudi aurrean honako usadiozko gaztelaniazko abesti hau hiru aldiz abestu ohi dute:[1]
« | A San Fermin pedimos por ser nuestro patrón, nos guie en el encierro dándonos su bendición ¡Viva San Fermín! Gora San Fermin! | » |
2009. urtetik aurrera bertan urtero-urtero ohikoak diren lasterketari talde baten ekimenez eta San Fermin jaietako une garrantzitsuenetako bat den honetan euskarak ere bere tokia izan dezan, abestia bi hizkuntzetan abesten da. Euskarazko bertsioa honako hau da, akatsak eta guzti:
« | Entzun arren San Fermin zu zaitugu patroi, zuzendu gure oinak entzierro hontan otoi. ¡Viva San Fermín! Gora San Fermin! | » |
Ondarea
Honako eraikin hauek Santo Domingoko aldapan daude:
- Nafarroako museoa
- Nafarroako errege-erreginen jauregia eta aparkalekua
- Nafarroako Gobernuaren Hezkuntza Departamentuaren eraikina
- Santo Domingoko eliza
- Santo Domingoko merkatua
- Iruñeko udaletxea
- Iruñeko harresietako igogailua
Erreferentziak
- ↑ https://web.archive.org/web/20090709083137/http://www.sanfermin.com/index.php/es/sf09/noticias/el-cantico-del-encierro-en-euskara-y-castellano el-cantico-del-encierro-en-euskara-y-castellano. 2009. Sanfermin.com
Euskarazko Wikipedian bada atari bat, gai hau duena: Iruñea |
Kanpo estekak
Datuak: Q16518880
![]() | Iruñeko entzierroa | ![]() |
---|---|---|
Gasaren eskortak • Santo Domingoko aldapa • Iruñeko Udal plaza • Merkatarien kalea • Merkatarien edo Estafetako bihurgunea |