Paratifoideo tifusak eragiten duenaren antza duen sukar motaz esaten da. Salmonella multzoko bazilo batzuek (S. paratyphi-k edo A motakoak, S. schottmülleri-k edo B motakoak, eta S. hirschfeldi-k edo C motakoak, hain zuzen) eragiten dute sukar paratifoideoa. Bat-batean agertzen da, eta etengabekoa da. Goragalea, hotzikara, ezpainetako herpesa eta beherakoa eragiten ditu, baina ez du barea handiarazten, eta, oro har, tifusak baino ezaugarri neurologiko leunagoak sorrarazten ditu.
Erreferentziak
Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2013-12-29 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.