Toraja
![](http://upload.wikimedia.org/wikipedia/commons/thumb/a/ae/Toraja_house.jpg/220px-Toraja_house.jpg)
![1=young girls Toraja in Sulawesy at the entry of wedding](http://upload.wikimedia.org/wikipedia/commons/thumb/2/23/C%C3%A9l%C3%A8bes_6543a.jpg/220px-C%C3%A9l%C3%A8bes_6543a.jpg)
Toraja izenak Zelebe uharteetako erdialdeko herri-multzoa biltzen du. Zelebe uharteak konkistatu eta bertako biztanleak menderatu zituzten austronesiarren ondorengoak dira, adituen ustez. Geroago, musulmanek kostaldera bidali zituzten; oso borrokazaleak zirenez, beren herriak ondo babestera eta gune berezietan, mendixka gainetan eta, eraikitzera behartzen ziren. Pixkanaka beren ohiturak alde batera utzirik, kristauak dira gehienak gaur egun, gutxi batzuk musulmanak badira ere; nolanahi ere, beren tradizio animistak atxiki dituzte, eta hildakoen kultu bereziak dituzte. Nekazaritza dute ekonomia-jarduera nagusia, baina badituzte industria batzuk ere (zura, zeramika eta metalurgia industria).
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.