Uxguli

Uxguli
giza kokalekua
Irudi gehiago
Administrazioa


Estatu burujabe	Georgia
Mkhare	Samegrelo-Zemo Svaneti
Geografia
Koordenatuak	42°55′04″N 43°00′56″E / 42.917797°N 43.015672°E / 42.917797; 43.015672

Demografia

Uxguli (georgieraz: უშგული) Georgiako hainbat herrixken arteko komunitate bat da Svanetiako lurralde historikoan kokaturik dagoena. Europan jarraian populaturik egon den asentamendu zaharrenetakoa da^[1]. Guztira 70 familia inguru bizi dira komunitate hartan.

Mestia udalerriaren barnean dago. Mestia herria ez bezala, Uxguli isolaturik egon da eta dorre svaniarrak oso ongi mantendu ditu. Horri esker 1996an UNESCOk Gizateriaren ondare izendatu zuen Svanetia Garaia^[2].

Geografia eta klima

Errusiarekiko mugatik oso gertu dago, Samegrelo-Zemo Svaneti probintzian. 2.100 metrotako altueran dago, Xkhara mendiaren oinean dagoen Enguri arroilan, Kaukaso mendikatean.

Urtean sei hilabetez elurrak estalita egoten da eta tarte horretan Mestiarako bidea itxita egoten da.

Bost herrik osatzen dute Uxguli komunitatea:

Zhibiani (ჟიბიანი) - altuen dagoena, 2.100 metrotan
Txvibiani (ჩვიბიანი)
Txazhaxi (ჩაჟაში) - ezagunena
Murqmeli (მურყმელი)
Lamjurixi (ლამჯურიში)

Ondasun nabarmenak

Dorre svaniarrak: Harrizko dorre altuak nabarmentzen diren gotorlekua da. IX. eta XII. mendeen artean eraiki ziren dorre hauek. 3-5 solairutako altuera dute^[3]. Txazhaxi herrixkan 200 dorre inguru aurkitzen dira.
Lamaria eliza: XII. mendekoa. Georgiako «urrezko aroko» freskoak ditu.

Iruditegia

Txazhaxi herrixka.
Zhibiani.
Uxguliko paisaia.
Xkhara mendia.
Lamaria eliza.
Lamaria elizako freskoak.

Erreferentziak

↑ (Ingelesez) Walker, Jennifer. (2015-08-13). «9 reasons to visit Georgia now» CNN (Noiz kontsultatua: 2023-07-31).
↑ (Frantsesez) «Haut Svaneti» UNESCO Centre du patrimoine mondial (Noiz kontsultatua: 2023-07-31).
↑ (Ingelesez) «National Geographic Magazine» National Geographic (Noiz kontsultatua: 2023-07-31).