Motzondo-belarri leun
Motzondo-belarri leuna | ||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() ![]() | ||||||||||||||||||||||||||||
Sailkapen zientifikoa | ||||||||||||||||||||||||||||
Erreinua | Fungi | |||||||||||||||||||||||||||
Klasea | Agaricomycetes | |||||||||||||||||||||||||||
Ordena | Polyporales | |||||||||||||||||||||||||||
Familia | Polyporaceae | |||||||||||||||||||||||||||
Generoa | Panus | |||||||||||||||||||||||||||
Espeziea | Panus conchatus Fr., 1838 | |||||||||||||||||||||||||||
Basionimoa | Agaricus conchatus | |||||||||||||||||||||||||||
Mikologia | ||||||||||||||||||||||||||||
|
Motzondo-belarri leuna (Panus conchatus) Polyporaceae familiako onddo espezie bat da.[1] Haragi zaila eta zapore desatsegina du.
Deskribapena
Kapela: 4 eta 10 cm bitarteko diametrokoa. Goitik ahurra da, ertza izurtua, inkurbatua eta lobulatua. Gaztetan kolore lila edo bioleta du eta zahartzean lehoi kolorekoa edo arrexka. Gainazala leuna eta ilegabea.
Orriak: Estu, estuak, meheak eta dekurrenteak. Perretxikoa gaztea denean, krema kolorekoak dira tonu biolazeoekin, ondoren zahartuaz okre antzeko kolorea hartzen duten.
Orri dekurrenteak: Hanka ukitzeaz gain, beherantz jarraitzen duten orriak.
Hanka: Alboan, laburra, zaila, belusduna, kolore arre-morea du, zahartuaz zurbilduaz joaten da.
Haragia: Tinkoa, larrukara edo elastikoa, zurixka; normalean fruta usainekoa, nahiz eta batzuetan errefaua gogorarazten duen.[2]
Etimologia: Panus terminoa latinetik dator, eta tumorea, hantura, esan nahi du. Conchatus epitetoa ere latinetik dator, "concha" hitzetik.
Jangarritasuna
Ez da jangarria.[3]
Nahasketa arriskua
Panus rudis delakoarekin, baina honek kapelan ile tenteak ditu.[4]
Sasoia eta lekua
Udan eta udazkenean. Enbor hiletan eta hostozabalen adarretan hazten da, batez ere Fagus, Populus eta Betula zuhaitzetan.[5]
Banaketa eremua
Ipar Amerika, Europa, Errusia, Australia, Papuasia, India, Japonia
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 28 or. ISBN 84-404-0530-8...
- ↑ (Gaztelaniaz) Palacios Quintano Daniel. (2014). Disfrutando con las setas.. Leitzaran, Grafikak S.L. Andoain, Gipuzkoa, 478 or. ISBN 978-84-617-0196-4..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 469 or. ISBN 84-282-0253-6 (T.I). ISBN: 84-282-0538-8 (O.C.)..
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 122 or. ISBN 84-282-0865-4..
Kanpo estekak
Datuak: Q1807172
Multimedia: Panus conchatus / Q1807172