Ziza belzkor
Ziza belzkorra | |
---|---|
![]() | |
Sailkapen zientifikoa | |
Erreinua | Fungi |
Klasea | Agaricomycetes |
Ordena | Agaricales |
Familia | Lyophyllaceae |
Generoa | Lyophyllum |
Espeziea | Lyophyllum infumatum Kühner, 1938 |
Basionimoa | Clitocybe ectypa var. infumata |
Ziza belzkorra (Lyophyllum infumatum) Lyophyllaceae familiako onddo espezie bat da.[1] Jangarri oso kaskarra.
Deskribapena
Kapela: 5 eta 10 cm bitarteko diametrokoa. Lehenengo ganbila, gero zabaldu egiten da, gutxi nabarmentzen den titi batekin, gris kolorekoa edo gris-arrexka kolorekoa, argitxoagoa edo iluntxoagoa. Eguraldi hezean azal lubrifikatua, lehorra eta distiratsua, zuntz txiki erradialekin eguraldi lehorrean..
Orriak: Ez oso estu, tartekatutako orritxo ugarirekin, itsatsiak edo pixka bat eskotatuak, zuri-grisaxka kolorekoak, igurtziz gero urdinez zikintzen dira eta azkenean beltzera pasatzen dira.
Orri eskotatuak: Oinera Iritsi baino lehentxeago eskote txiki bat duten orriak.
Hanka: 5 eta 8 cm bitarteko luzerakoa eta 0,5 eta 1,5 cm bitarteko lodierakoa. Zilindrikoa, betea, zuntzezkoa eta grisaxka kolorekoa.
Haragia: Itxia, elastikoa, zurixka, igurtziz belzten dena. Irinaren usaina eta zaporea ditu, baina ez oso nabarmena.[2]
Etimologia: Infumatum epitetoa latinetik dator, ke kolorearekin, esan nahi duen "Infumatus" hitzetik. Haragiak zikintzeko duen joeragatik.
Jangarritasuna
Erdipurdiko jangarria.[3]
Nahasketa arriskua
Igurztean belzten diren beste Lyophyllum batzuekin. Azterketa mikroskopikoak argitu ditzake zalantzak.[4]
Sasoia eta lekua
Udazkenean nahiko arrunta, koniferoen eta hostozabalen azpian.
Banaketa eremua
Kanada, Ameriketako Estatu Batuak, Europa.
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 209 or. ISBN 84-404-0530-8..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 345 or. ISBN 84-282-0540-X (T. 2). ISBN: 84-282-0538-8 (O.C.)..
- ↑ (Gaztelaniaz) Lotina, Roberto. (1985). Mil setas ibericas. Diputacion foral de vizcaya, 287 or. ISBN 84-505-1806-7..
Kanpo estekak
Datuak: Q10571598