Zedro-katilu
Zedro-katilua | |
---|---|
![]() ![]() | |
Sailkapen zientifikoa | |
Erreinua | Fungi |
Klasea | Pezizomycetes |
Ordena | Pezizales |
Familia | Pyronemataceae |
Generoa | Geopora |
Espeziea | Geopora sumneriana M.Torre, 1976 |
Basionimoa | Lachnea sumneriana |
Zedro-katilua (Geopora sumneriana) Pyronemataceae familiako onddo espezie bat da.[1] Ez da kontsumitzen, batez ere kanpotik itsatsitako lur kantitate handia garbitzea zaila delako. Bestalde, haragiaren kalitatea eskasa da.
Sinonimoa: Sepultaria sumneriana.
Deskribapena
Errezeptakulua: 2 eta 7 cm bitarteko diametrokoa, esferikoa, barnehutsa, hasieran lurperatuta egoten da, ondoren, azaleratu egiten da eta izar formako lobulu irregularretan irekitzen da.
Himenioa: Karpoforoaren barruko aldea estaltzen du eta kolore gris argia edo okre kolore argia du. Kanpoko aldea marroi gorrixka kolorekoa da, arre koloreko Ile luzez tapizatua.
Hanka: Ez du.
Haragia: 1 eta 2 mm bitarteko lodierakoa, zuria, zaporetsua eta usaingabea.[2]
Etimologia: Geopora terminoak lurreko poroa esan nahi du. Bere hazteko moduagatik. Sumneriana epitetoa, Sumner pertsona izenetik dator.
Jangarritasuna
Ez du sukaldaritzarako balio.[3]
Nahasketa arriskua
Bere espora handiengatik eta habitatagatik ez da erraza beste espezie batekin nahastea. Sarcosphaera crassa delakoak badu antza.[4]
Sasoia eta lekua
Udaberriko espeziea da, parke eta lorategietako zedroen azpian.[5]
Banaketa eremua
Europa, Turkia, Itsaso Beltzako eremua, Kaxmir.
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 759 or. ISBN 84-404-0530-8..
- ↑ (Gaztelaniaz) Palacios Quintano Daniel. (2014). Disfrutando con las setas. Leitzaran, Grafikak S.L. Andoain, Gipuzkoa, 544 or. ISBN 978-84-617-0196-4..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 667 or. ISBN 84-282-0540-X (T. 2). ISBN: 84-282-0538-8 (O.C.)..
- ↑ (Gaztelaniaz) Lotina, Roberto. (1985). Mil setas ibericas. Diputacion foral de vizcaya, 489 or. ISBN 84-505-1806-7..
Kanpo estekak
Datuak: Q5535589
Multimedia: Geopora sumneriana / Q5535589